Burger Land (已結業)

放假冇野做就同男朋友去荃灣行下，行到中午想食漢堡飽，上網見到呢間餐廳就試下。餐廳門面都幾岩打卡，出面有d擺設同埋高櫈，可以一邊影相一邊等位門口擺設等左大約10分鐘就有位喇～入去之前店員有先幫我地兩個量體溫，而且入到去都有酒精捽手液同紙巾提供。而且室內環境都乾淨，衛生意識幾好店鋪提供酒精捽手液同紙巾店鋪提供手機充電服務由於我唔想食配菜，所以我地叫左一個牛肉芝士漢堡配薯角餐、單點左個貝羅菇黑松露芝士漢堡同一杯水果茶。一共$171，價錢唔算太貴上飲品速度好快，點完餐幾分鐘已經有。至於食物就要等耐少少，大約10-15分鐘，不過餐廳室內環境舒服，邊傾計邊等都好快有得食室內環境舒適，冷氣岩岩好首先講個牛肉芝士漢堡配薯角，正常會以為主角係個漢堡，但我覺得呢間店最出色係個薯角！真係超級脆得黎，又唔係入面乾晒，真係做到外脆內軟搞到我勁後悔單點左個菇漢堡而個牛肉芝士漢堡都好食，多肉汁而且蔬菜新鮮，好食過好多連鎖漢堡包店！必試超脆薯角配多肉汁牛肉芝士漢堡如果唔想食肉，可以點貝羅菇黑松露芝士漢堡。個菇真係有塊肉扒咁大，仲要勁！多！汁！配埋黑松露同埋芝士，成個漢堡都好香好惹味，真係一啖接一啖冇停過最佳素食漢堡。