千上日本料理 (已結業)

今日見到有二人套餐，價錢都ok，咁就叫黎試試啦。首先係兩款小食，日式沙律同螺肉，味道都唔錯。蟹籽沙律，撈埋蟹籽粒粒一齊食會好味啲。見到有日本啤酒，正。一個生啤同一個Asahi。夠哂冰凍。刺身三品，有金目鯛丶油金魚丶生文魚刺身，金目鯛啲口感好特別，厚身又好有咬口。枝豆，好清綠，面有少少鹽，夠味。特色卷物，都幾特別，上面好似係一些魚仔，第一次食呢一款。天盛鐵板牛柳粒，下面有好多洋蔥，牛柳粒上又好多黑椒，熱辣辣又煮得剛剛好。串燒（四款），日本甜薯丶青辣椒仔丶牛舌丶雞腎，好味，燒得剛剛好。天富羅有蝦籃瓜同茄子，啲粉唔會落得好厚，熱辣辣。魚湯都濃味又唔會魚腥味。除套餐外，加咗個牡丹蝦刺身，師傅整得幾靚，蝦亦都好新鮮爽口。最後就係冰凍雪糕，哈哈，真係好冰凍，睇個形都知。仲有一個Asahi。湯稻庭烏冬，一大小碗，烏冬當然都彈牙。