影片
更多
2023-05-06
72 瀏覽
今次買左優惠訂購平台$398二人咩兩小時海鮮片皮鴨放題 另外現場加收$59加一及服務費 姐係每人$258 咁既價錢食一個正常既邊爐放題係無問題既💁🏻♀️去到間餐廳環境差到不得了 所有openrice上面comment既圖都係借！位！影！我個人認為分分鐘冬菇亭大排檔仲好過佢 尋晚隔離一半比人包場 嘈到拆天 其實上到去都唔開胃…🤮好啦坐低開埋茶 問個侍應使唔使落單叫嘢食 佢話唔使 出面有自助嘢食 其他咩片皮鴨蒸魚海皇泡飯同龍蝦會自己上 Okay咁我乖乖地等啦🫠出去睇所謂自助攞嘢食個part得係炸物（cheap到爆個d 例如芋茸絲卷入面既‘芋茸’只係係一pat糯米裝既紫色色素香精混合物🤢）有d菜啊豬手啊炒麵啊酸菜魚啊 全部用gas爐熱住 鹹菜豬肚湯都熱到就乾曬水 行埋去聞到燶味 原來係炒麵燶曬 成盤唔食得😐坐左一陣 送上一人一份咩蛋白燕窩羹 普通生粉羹啦 無咩投訴 然後上一人半邊龍蝦 個樣唔差 真係澳洲龍蝦有蒜蓉係上面 心情諗住變好…難啦 一食入口 口感新鮮 但係咩鮮味甜味都無 我即刻黑人問號❓唔係掛😦😦餐廳唔會用水洽龍蝦掛…終於係下一道一檯得一碗既海皇泡飯得到解答：餐廳白洽所有龍蝦 然後將
去到間餐廳環境差到不得了 所有openrice上面comment既圖都係借！位！影！我個人認為分分鐘冬菇亭大排檔仲好過佢 尋晚隔離一半比人包場 嘈到拆天 其實上到去都唔開胃…🤮
好啦坐低開埋茶 問個侍應使唔使落單叫嘢食 佢話唔使 出面有自助嘢食 其他咩片皮鴨蒸魚海皇泡飯同龍蝦會自己上 Okay咁我乖乖地等啦🫠
出去睇所謂自助攞嘢食個part得係炸物（cheap到爆個d 例如芋茸絲卷入面既‘芋茸’只係係一pat糯米裝既紫色色素香精混合物🤢）有d菜啊豬手啊炒麵啊酸菜魚啊 全部用gas爐熱住 鹹菜豬肚湯都熱到就乾曬水 行埋去聞到燶味 原來係炒麵燶曬 成盤唔食得😐
坐左一陣 送上一人一份咩蛋白燕窩羹 普通生粉羹啦 無咩投訴 然後上一人半邊龍蝦 個樣唔差 真係澳洲龍蝦有蒜蓉係上面 心情諗住變好…難啦 一食入口 口感新鮮 但係咩鮮味甜味都無 我即刻黑人問號❓唔係掛😦😦餐廳唔會用水洽龍蝦掛…終於係下一道一檯得一碗既海皇泡飯得到解答：餐廳白洽所有龍蝦 然後將‘龍蝦水’煮海皇泡飯😐👍🏻所以個海皇泡飯叫做成晚最好食既嘢 但係留意返 一檯得一細碗 之後擺係自助檯個大煲海皇泡飯既湯底已經變返味精湯🤮
然後上左豉椒蒸魚 ok普通嘢 侍應話任食陣間會再出 跟著終於到片皮鴨！竟然！係侍應攞一碟我估有40塊鴨肉鴨皮出黎叫我地排隊攞 d鴨肉鴨皮甩皮甩骨 肉多過皮 又韌又唔好食 真心攞一次之後無攞過 啊應該咁講 其實片皮鴨淨係出過兩次 兩個鐘入面淨係出兩次！咁叫咩放題啊？？之後魚都無條 問侍應其實仲有咩上 佢地話廚房做唔切 同埋要咩同佢地講 我真係火都黎埋 喂唔係話唔使落單d嘢食自己上咩？？究竟發生什麼事啊🤯🤬🤬
成晚都唔知食左d咩落肚 侍應終於又搬一籠奶黃包出黎 大家湧去自助檯攞（應該大家都無食d咩）一籠得二十隻都無 真係排第四五都唔會有得剩 奶黃包入面又係一pat糯米狀既黃色物 真係差過自己係惠康買…🫠🫠🫠
btw 成晚好多同我地一樣中伏既可憐顧客 我望住佢地一出lift個中伏樣真係好同情 間餐廳誇張到餐廳已經坐滿 根本無位安排比客 咁做咩接受booking呢？？有對情侶仲慘 等足10分鐘 最後竟然係後樓梯個邊開張檯比佢地坐啊陰功…原本第一輪6:30pm入 兩個鐘都8:30pm 餐廳好唔好意思比人book 7pm d時間啊…⛔️
不過咁講啦 開黎間餐廳既人真係小心地滑⚠️中伏中到一個點 我咁辛苦寫足1000字係唔希望再有其他人中伏 叫做積下福啦 你唔信係要去試我都無辦法 就係咁 講完
張貼