咖喱邦 (已結業)

試伏專員:成間餐廳完全唔掂，首先餐具都已經好有問題，叉同匙個手柄位都好重，放係碗係會重到跌返出嚟，之後野食我叫左個套餐主食係鰻魚飯，送兩個小食，揀左雞肉棒同雞腎，個碗鰻魚飯細到呢，我以為叫左下午茶餐，原先我係想叫咖喱雞飯，跟住我聽到隔離有個阿婆大叫左一聲”咁細嘅”，見到隔離有個婆婆同賓賓叫左個個咖喱飯，我偷望左一下佢地，個咖喱飯係”咖喱,餸同飯”係曬一個好細碗入面，個碗你當大過平時飲麵豉湯嘅碗小小，我仲聽到婆婆問個店員”點解同相唔一樣嘅”，店員嘅回覆係”有咖喱係入面嫁啦”其實價錢貴唔緊要，但唔該你提供返應有嘅食物質素，同喺一田買嗰啲便當冇乜分別，sorry有嘅一田平啲忍唔住打長文提醒大家，千祈唔好入去