金寶越南餐館

營業中

休息中

由港島區特登過海嚟九龍城試吓金寶菜館，佢哋有越南菜同埋泰國菜，兩間舖頭係隔, 所以去任何一邊都可以食到泰國菜同越南菜。我屋企人就叫咗泰國菜，海南雞飯，豬頸肉飯, 我就叫咗個越式生牛肉湯河，同埋泰式炒通菜。泰國菜方面水準OK，不過不失，千祈唔好期望過高。佢嗰個海南雞飯，雖然係油飯，但是味道一般。最差係生牛肉湯河，直程係茶餐廳版本嘅生牛肉湯河。湯底差，生牛肉係好似雪藏咗好耐，擺到喺湯裏面半個鐘都未熟，慘不忍睹。真係冇諗過一間越南餐館可以做出咁差嘅牛肉湯河。奉勸大家千其不要叫生牛肉湯河。要食好嘅越南菜泰國菜，港島區可能好啲。