五十嵐日本料理

營業中

休息中

耐不耐都係來北角行下, 貪佢多嘢食又多嘢行. 行到攰攰哋就食返個tea坐下. 見<<五十嵐>>tea set升級咗, 加咗少少價, 都試下!!  <<日式叉燒拉麵>>有四大塊叉燒, 仲有半隻流心蛋同蟹柳, 伴以粟米粒及紫菜, 非常豐富. 湯底都唔錯, 夠味又唔會太鹹.<<海鮮拉麵>>有兩隻大蝦, 三塊魷魚, 兩隻元貝, 幾隻蜆仔, 伴以粟米粒及紫菜, 又係非常豐富.湯底因為有海鮮仲更加鮮甜!!  跟餐仲有埋柑桔檸檬蜜, 用埋自帶飲管就更加good!!!