漁屋日本料理 (海寶花園) (已結業)

老公升職加人工，一定要食餐好嘅慶祝一吓！一於近近哋去屋企樓下食放題啦！大埔嘅漁屋成日大排長龍，今日我哋都去朝聖下啦。食放題當然要叫大量刺身，咁先可以食到回本！呢到嘅刺身樣樣都好新鮮，片片都係厚切，食落好有口感同好juicy。首推係蝦，大大隻又夠彈牙，真係停唔到口。另一款推介就係三文魚刺身，好厚肉，好鮮甜架。海膽手卷size細細，唔用紫菜，改用甜筒，海膽份量都足好鮮甜。除咗刺身，鐵板粟米都係必食架，牛油味同蜜糖味都好香濃，好match好好味。熟食類首推烤羊架，羊味夠juicy，仲好嫩滑。芝麻雞翼好香口入味，熱辣辣脆卜卜，無得輸！最後當然要食燒菠蘿消滯！