影片
更多
2020-12-16
462 瀏覽
尋日嘅天氣真係真係轉涼啦，好凍呀，大褸真係出動啦。咁凍真係一定要打邊爐啦，但晚市又冇得堂食，唯有晏晝打邊爐啦。咁就去咗銅鑼灣呢間牛之鍋度打邊爐，因為我好肚餓，所以揀咗$118嘅午市兩小時火鍋任飲任食。🥘湯底我哋揀咗一人一鍋，咁就可以食兩個湯底啦。我哋揀咗麻辣同埋番茄湯，鍾意食辣嘅我鍾意將肉同埋丸類放落麻辣湯入面，享受麻辣所帶嚟嘅刺激感。番茄湯我哋自己額外再放入番茄同粟米，湯底即刻變得更濃更甜，普普通通嘅湯底即刻變左粟米番茄濃湯，我就最鍾意用番茄湯煮蔬菜，可以食到蔬菜嘅清甜味之餘，又可以試到番茄湯嘅味道。🍖肉類肉類選擇都好多，我哋今次叫咗牛肉、羊肉、豬肉，我最鍾意嘅就係牛肉。牛肉有兩款—極上牛肉同埋美國肥牛。啲肉都切得好薄，好快就淥熟，啱晒心急嘅我。我自己就比較喜歡極上牛肉，啲肉會冇咁肥，啱我口味多啲。🥬自助區（包括蔬菜類）蔬菜喺自助區，蔬菜有四五種，可以自己喺食物區到任攞，我鍾意食生菜，所以我主要都係食生菜，食放題記得要食菜呀，有啲纖維幫助消化，可以再食多啲！自助區仲有生根啦公仔麵啦芋絲之類，仲有好多菇類添。🥟寫紙落單（包括丸類）丸類基本上平時打邊爐有嘅嘢，依度到有，例如龍蝦丸啦墨魚丸
🥘湯底
我哋揀咗一人一鍋，咁就可以食兩個湯底啦。我哋揀咗麻辣同埋番茄湯，鍾意食辣嘅我鍾意將肉同埋丸類放落麻辣湯入面，享受麻辣所帶嚟嘅刺激感。番茄湯我哋自己額外再放入番茄同粟米，湯底即刻變得更濃更甜，普普通通嘅湯底即刻變左粟米番茄濃湯，我就最鍾意用番茄湯煮蔬菜，可以食到蔬菜嘅清甜味之餘，又可以試到番茄湯嘅味道。
🍖肉類
肉類選擇都好多，我哋今次叫咗牛肉、羊肉、豬肉，我最鍾意嘅就係牛肉。牛肉有兩款—極上牛肉同埋美國肥牛。啲肉都切得好薄，好快就淥熟，啱晒心急嘅我。我自己就比較喜歡極上牛肉，啲肉會冇咁肥，啱我口味多啲。
🥬自助區（包括蔬菜類）
蔬菜喺自助區，蔬菜有四五種，可以自己喺食物區到任攞，我鍾意食生菜，所以我主要都係食生菜，食放題記得要食菜呀，有啲纖維幫助消化，可以再食多啲！
自助區仲有生根啦公仔麵啦芋絲之類，仲有好多菇類添。
🥟寫紙落單（包括丸類）
丸類基本上平時打邊爐有嘅嘢，依度到有，例如龍蝦丸啦墨魚丸呀牛筋丸啦貢丸，可以自己寫紙落單嘅。我自己就最鍾意墨魚丸，咬落又彈牙又香。仲有水餃同蛋餃嗰啲可以叫添。
豆腐、烏冬同響鈴都係自己寫紙落單嘅。
🍮甜品
甜品都係寫字落單嘅，款式都唔少。我就食咗熱嘅冰糖雪耳燉木瓜同埋綠茶味嘅軟雪糕。兩個都唔會太甜，幾好嘅。綠茶味嘅軟雪糕真係幾有茶味，仲可以自己去自助區嗰度加雪糕嘅配料，例如Oreo碎。
🥤飲品
飲品可以自己去雪櫃攞，有酒、汽水同茶類。
張貼
