影片
更多
2021-09-12
272 瀏覽
今次黎到想試好耐既驚安燒肉，平時好少出去食唔係任食既燒肉，因為覺得食靚少少既肉都會好貴，而且唔會食得好飽。依家驚安做緊午市7折，真係抵到爆!今次我地叫左幾樣野，先講黑松露牛油果沙律(7折後$26.6)。呢個沙律係尖沙咀店先有。店員一上菜已經聞到個沙律有好香既黑松露味，而且牛油果既份量都唔少，兩個人食絕對已經足夠，朋友平時對沙律菜要求好高，只要有苦味已經唔想食，但呢個沙律菜佢會用爽甜去形容，食得出菜好新鮮，加上有酸汁做沙律汁，連埋菜同牛油果一齊扒入口，酸酸甜甜真係好開胃。加上價錢只係26蚊，真係好抵食。去得燒肉店一定會食好多燒肉，叫一個沙律菜中和下油膩感都唔錯。第二樣黎既食物就係牛油蒜蓉金菇(7折後$18.2)。呢個金菇好大份，而且只係18蚊。價錢黎講真係冇得輸，但食落真係覺得冇咩味，牛油同蒜蓉味都好少。不過只係18蚊都冇得要求太多。真係普通到都唔記得要幫佢影相。講左咁多配角，終於要開始入正題，黎得燒肉店，當然要食肉啦。我地今次叫左兩款: 柚子漬雞肉山(7折後$26.6)、九宮格燒牛盛合(7折後$201.6)。先講雞肉山，平時出去食燒雞肉，26蚊可能得一兩串幾細塊。但今次呢個雞翼山真係令
今次我地叫左幾樣野，先講黑松露牛油果沙律(7折後$26.6)。呢個沙律係尖沙咀店先有。店員一上菜已經聞到個沙律有好香既黑松露味，而且牛油果既份量都唔少，兩個人食絕對已經足夠，朋友平時對沙律菜要求好高，只要有苦味已經唔想食，但呢個沙律菜佢會用爽甜去形容，食得出菜好新鮮，加上有酸汁做沙律汁，連埋菜同牛油果一齊扒入口，酸酸甜甜真係好開胃。加上價錢只係26蚊，真係好抵食。去得燒肉店一定會食好多燒肉，叫一個沙律菜中和下油膩感都唔錯。
黑松露牛油果沙律
10 瀏覽
1 讚好
0 留言
第二樣黎既食物就係牛油蒜蓉金菇(7折後$18.2)。呢個金菇好大份，而且只係18蚊。價錢黎講真係冇得輸，但食落真係覺得冇咩味，牛油同蒜蓉味都好少。不過只係18蚊都冇得要求太多。真係普通到都唔記得要幫佢影相。
講左咁多配角，終於要開始入正題，黎得燒肉店，當然要食肉啦。我地今次叫左兩款: 柚子漬雞肉山(7折後$26.6)、九宮格燒牛盛合(7折後$201.6)。
先講雞肉山，平時出去食燒雞肉，26蚊可能得一兩串幾細塊。但今次呢個雞翼山真係令我地嘩出聲，份量極多。今次兩個人去食，每人都食到大約7至8塊。你可能會覺得廿幾蚊比十幾塊雞肉一定係好鞋好難食，但呢個絕對唔係。雞肉肉質鮮嫩，加上用柚子汁去醃製，食入口感覺好清新，絕對唔會有平時食完燒肉覺得好膩口既感覺。我地建議燒完雞肉再配埋店入面提供既青檸汁，會令到雞肉既口感更加豐富。
柚子漬雞肉山
2 瀏覽
0 讚好
0 留言
之後當然要講埋主角: 九宮格燒牛盛合。
呢個九宮格擺盤好精緻，好啱打卡用。每一格都有一款牛肉，分別有厚切牛舌、牛仔骨、牛護心肉、A4和牛、肉眼、牛小排、調味牛肉、芫荽牛肉，調味牛肋肉。而每一款都有兩至三塊。如果兩個人去食叫一個就夠哂share。食呢間之前我地都特登search過睇下有咩野食係必叫，雖然呢個九宮格好多人都話係一定要叫，但老實講九格入面只有大約一半小編係覺得高質，其他就普普通通。特別係護心肉，以前係其他燒肉店食過覺得好好食，食落都好嫩滑，但今次呢碟護心肉雖然肉味都有，但食落比較鞋。而九宮格，小編覺得厚切牛舌、厚切牛舌、牛小排同牛肋肉同好好食。就咁普通燒一陣已經好好食。其他就肉味欠奉。
九宮格牛盛盒
14 瀏覽
0 讚好
0 留言
最後一定要讚既係店員服務態度超級好，佢地會主動埋黎幫你換個網，我地食左個半鐘左右已經幫我地換左3，4次。係出面食燒肉多數都係客人自己要求換網，但呢度係唔需要，服務態度真係要比101分。最後埋單都係320蚊，每人都係160蚊就可以食到好飽。
張貼
