板神鉄板燒日本料理 (信和廣場)

宜家疫情下去唔到旅行，所以喺飲食方面都對自己好啲，有時食餐好都好開心滿足，呢間喺銅鑼彎嘅鐵板燒餐廳，環境走高級裝潢路線一入門口就見到好大個酒吧位，好多款酒喔，我自己都點咗杯鹹檸gin酒，酸咪咪都好清新今日點了午市商務鐵板燒套餐 ，先上前菜及沙律，係菠菜沙律配上蘋果醬，酸咪咪好開胃另一款大根千切混入雞肉，爽口中有雞肉嫩滑今次係剛來港嘅由馬來西亞師父烹調比我咪，見佢開始預備食材刺身三款鰤魚、拖羅、帆立貝，每款都好新鮮，最愛拖羅入即溶嘅肥美本日海鮮係蟹肉他他，底層係鮮嫩菠菜，面頭蟹肉用上松葉蟹及阿拉斯加長腳蟹，非常鮮甜美味到主角出場了，南非鮑魚都好新鮮大隻，師父煮得剛好，外層乾身入面仲好爽口彈牙，鹹香鮮甜，旁邊仲有季節野菜㗎今次個餐仲額外送龍蝦，都算大隻，個醬汁係用櫻花蝦頭煮成，龍蝦肉無咩落油去煎，所以保留到一啲纖維，入口特別彈牙美國牛肉薄燒加入大大去乾蒜同蔥花，3成熟薄燒牛剛好，有蔥蒜特別嘢未，另有芝麻麵豉醬、海鹽、海鮮醬比你點，不過我覺得已經好夠味龍蝦麵豉湯係用啱啱蝦頭蝦身去煮，所以鹹香得嚟多一份鮮味炒飯係每次食鐵板都好期待，呢到師父炒到飯粒分明，有蛋花、蔥粒及煙肉得，真係炒到好香好好食