無老鍋

營業中

休息中

今次午餐揀咗一間台式嘅火鍋店！湯底夠晒特別-冰淇淋豆腐鍋，清香回味，又有中藥香辛料，令啖湯更滋補，味道比一般的豆腐湯濃味一些。每人會送冰淇淋豆腐，第一次食，軟綿綿，似魚豆腐，其實係花枝漿、豆腐，很有趣🤭牛市推介優惠好抵，包括上選牛小排、濃香豆皮、日本黑豚肩肉、手工蝦滑、兩杯飲品，食材新鮮，而且有啲係台灣直送，夠晒正宗。我最鍾意濃香豆皮，吸盡精華，而且好大嚿，一入口，係爆湯，正！朋友就好喜歡手工蝦滑，份量就不算多，但有4隻蝦仁，真材實料，彈牙又有口感！牛、豬肉係不加仼何醬汁下都已經好美味。蜂蜜檸檬愛玉，個人覺得偏酸咗少少，可能我叫咗少冰，不過有大量愛玉，加番不少分。巨蜂梳打，以清新果香配上透心涼梳打，立刻暑氣全消。驚喜位✨送上水蜜桃沙冰！係免費🆓！如果叫咗麻辣湯底，有呢杯沙冰解下辣，cool down 一下都幾好，真貼心。服務態度都不錯，一開頭會推介各款食物，而且最開心係可以不斷無限加鴨血、豆腐，refill 得好密。