天外天

太太生日，但由於疫情關係，晚市做到六點。唯有食晏慶祝。記得某日睇過YouTube，介紹THE ICON嘅天外天中菜廳，睇落幾吸引，一於去試試。約兩點到達，客人不多，地方景觀一流。二人叫了廚師推介午市套餐。頭盤係水晶肴片、安格斯脆腩片及青瓜雲耳。水晶肴片不過不失，腩片內軟外脆，口感不俗。青瓜雲耳味道濃烈，青瓜脆、雲耳爽，非常好。再上生拆蟹肉菜苗羹及菜膽冬菇竹笙湯。前者蟹肉非常多，味道鮮甜，水準之上。後者味道清香，加上淡淡冬菇味，亦不俗。主菜係三蔥豆豉雞球及古法蒸石斑。石斑蒸得剛剛好，非常嫩滑，配合蒸魚豉油，很好。豆豉雞球則沒有什麼特別。最後係櫻花蝦帶子蟹肉炒飯，飯粒非常乾身，沒有半點油膩感，蟹肉份量非常慷慨，加埋脆身嘅櫻花蝦，非常香口。呢碗炒飯水準非常高。最後奉上果皮紅豆沙，水準合格有餘。以食物及酒店服務來說，以每人約$500嘅價錢，加上美麗景色，這餐性價比很不俗。