黑木亭居酒屋 (金馬倫道)

店內好多櫻花樹裝飾，佈景亦是日式畫作。刺身生蠔午市商務二人前(外面重有自助沙律吧同麵豉湯)沙律吧選擇：提子乾、青瓜漬、椰果、珍珠筍、菠蘿、車厘茄。薄切白身魚刺身八片白身魚上面放了酸汁啫喱做成嘅醬汁，味道酸味味，口感滑嘟嘟又刺激味蕾，白身魚肉質新鮮且彈牙。時令生蠔法國生蠔味道鮮，肉質飽滿。真燒蟹甲羅蟹肉蟹籽蟹糕鵪鶉蛋拌勻，塗上多士，入口蟹肉味道鮮蟹糕香，多士脆脆，口感味道有不同嘅層次。芝士流心玉子鰻魚飯鰻魚口感彈牙醬汁微甜，中間夾住芝士同玉子，蛋香且芝士味濃，夾埋紫菜碎，層次豐富口感滿足。日式鐵板野菜豚肉粒配日式珍珠米新鮮燒菠蘿、矮瓜、翠肉瓜、黃椒。鐵板內好多燒野菜顏色繽紛，墨魚腸食落好香口，豚肉炆得夠腍，餸飯一流。