渝川菜館

營業中

休息中

上星期五午市，本想去Oasis,但電力故障，暫停營業，轉戰夏門街，不會再去泰國餐廳(spice)，午市套餐加價, 香葉肉碎飯連蛋都無，綠咖哩豬肉連泰式茄子都無，龍眼肉水無龍眼（以前有）都賣$65，猪肉無味又鞋坐位又逼，以前$45都可接受。上去Amoyster西餐裝修，對面日本餐廳滿坐，想起此處很久沒來，自從無咗套餐，就放棄此處，今次再來，喜見套餐，約$55以上，其實整條街食肆已加價，此價錢以是平均價，食物水準不會好滿意但坐得舒適，不用搭枱，窗望喜利街算係咁。回煱肉賣完，糖醋里脊$62，像咕嚕肉，無紅青椒洋蔥蘿蔔，只有波蘿，味道酸甜甜，Ok, 粉䊢韌，肉少，好似食齌雞。老干媽魚丁$65，要少辣，例牌四川老干媽樣辦，油炸红色辣椒，豆豉，花椒，胡椒，望見刺激，口水喉嚨滲出，魚塊淋淋地，多數係急凍鯰魚（夠平），魚表面當然辣，夠味，多些麻更好。套餐附送茄蛋湯，淡。以前有羅漢果茶，現在普通茶，有茶都算笑。