金鳳大餐廳 (金鳳樓)

營業中

休息中

今日中午嚟到呢度食飯，四個人去到大概12:30左右。今日唔算多人，等一張枱就到我哋，大概等咗10分鐘左右。今日嘅午餐得三個，有蒜蓉豬扒，咖喱雞球，同埋香煎牛脷。既然冇牛扒就叫咗個牛脷配薯菜黎試吓。午餐有包一個餐包、一碗餐湯（可以揀紅湯，或者白湯）仲有嘢飲（凍飲係唔使加錢），連埋個牛脷配薯菜，總共$62，都幾抵食。忌廉湯唔錯，入面都足料，有唔少肉同埋蘑菇，幾好飲。餐飽有附牛油，搽咗牛油之後好好食。個牛脷都唔錯，鹹鹹地，配埋啲蒜蓉汁，係啲薯菜略嫌少咗啲。凍檸茶正正常常，唔算大杯。總括嚟講，呢度價錢合理，食物質素OK，係坐得迫啲。