廚十三老壇酸菜魚 (渣甸街) (已結業)

廚十三都幾多分店，今日晏就黎試佢既酸菜魚。拍青瓜，酸酸辣辣好惹味 。重頭戲酸菜魚二人份好大一碟，我額外加咗寬粉，不過寬粉係比較厚果隻，我個人就中意食薄同透啲果隻。其實唔使加寬粉都得，因為本身入面都有幾多粉絲，除咗粉絲仲有芽菜，豆腐，蓮藕片。配咗白飯，酸菜魚汁撈飯真係一流，啲魚既骨都去得乾淨，食落都冇一塊魚肉食到有骨。呢間午市幾抵食，不過呢間既酸菜魚就冇得俾我揀辣度，食落我覺得係小辣左右。其實餐牌仲有好多小菜，不過兩個人食呢一大碟酸菜魚已經好飽，有機會都想再黎試其他菜式。