岩鹽日本料理 (利舞臺廣場) (已結業)

晏晝食乜好？利舞臺樓上呢間啲日式定身超抵，而且一啲都唔hea。呢度有香港少有嘅釜飯。釜飯係日本一種傳統鍋飯，將白米、湯同食材放入鍋中慢煮，再蓋上木蓋，感覺有啲似香港嘅煲仔飯。啲材料仲好豐富，有鰻魚、帶子、三文魚、三文魚籽、海膽等，加埋日式燒汁一齊食。前菜仲有刺身三點、沙律味噌湯。另外九洲魚生丼都好正，魚生丼有成七款材料，前菜又有茶碗蒸。食完仲有咖啡/茶或者雪糕，埋單每個人都唔洗$200，係銅鑼灣算係抵食。