麻辣五三五 (已結業)

「如果你話你唔鍾意食辣🌶，除非你係鬼上身，所以我好鍾意食辣🌶啊呀」，你有冇鬼上身呀？今次黎到 麻辣五三五 食飯，餐廳既牆身寫左好多搞笑既句子，令我都情不自禁係度睇🤣🤣麻辣五三五係食川菜🌶為主，當中主打食品就係烤魚🐟同埋干鍋！今次我地就食左烤魚🐟先麻辣五三五既烤魚有五款唔同口味嘅湯底可以揀，有辣有唔辣，任君選擇！我哋就叫咗酸菜湯底小辣！烤魚用既魚既魽魚，唔多骨又啖啖肉，岩哂我！魽魚用鹽醃過之後烤到魚皮有少少脆香，再浸一浸酸菜湯底味道更豐富！個酸菜湯底酸度適中，微微辣我地仲加配左水晶粉，水晶粉吸收埋酸菜湯同魚既精華好入味！霸王辣子雞粒睇到咁多乾辣椒係唔係覺得好驚呢？唔好俾佢嘅外表嚇到，其實佢唔係好辣架咋！呢個辣子雞粒啖啖肉，雞肉經過油炸更香口，裡面加入麻子一齊煮，食到好麻既味道，好鬼過癮！而家午市仲有優惠，烤魚只係$98咋，而配料分別係$10/ $20，好抵食呀！