麻辣五三五 (已結業)

最近和朋友在聊天的時候，經常談起Mirrior這隊最近十分火紅的男團，廣告周圍皆是，說起其中一間連鎖麻辣的麵店，就勾起了吃麻辣的癮子，結果我們去了尖沙咀的樓上鋪一解麻辣癮。我們選了一個麻辣烤魚，一上菜已經十分吸睛，全是非常紅的辣椒乾，感覺非常之辣。而辣度其實也有選擇的，大中小辣，任君選擇，我們選了小辣。而魚選了鱸魚，不但魚肉滑，加上少骨，令人停不住口。食完烤魚還可以加餸，繼續打邊爐，再點了芝心丸，油麥菜，菜葉很吸辣的，怕辣的我一吃，就要喝幾口啤酒。另外點了酸辣土豆絲，酸醋香味十足，很開胃，土豆絲爽口，是我推薦之選！蒜泥白肉的蒜泥加了些特別的醬，質地像他他醬，十分惹味，中和一下，口也不會太臭😂

難得約到呢兩位大忙人👧🏻，唔知食咩好就試吓食川菜🌶，上網見到呢間評價幾正面就試吓，果然都合乎預期，蒜泥白肉仲好好食😋！————————————————👅酸菜烤魚（$198/$248）👍🏻$198係原價，加到$248升級做鱸魚🐟，店員話條魚大條啲同好食啲。酸菜味偏酸爽，好啱送飯🍚，魚肉唔算好滑但可接受。本身附加一啲秀珍菇同寬粉，原條魚多骨要小心食⚠️，食魚技巧要高超啲！👍🏻另點$38嫩鴨血同$28娃娃菜，鴨血唔錯，娃娃菜索汁一流👅蒜泥白肉（$68）👍🏻蒜泥滑到似好濃厚嘅醬🧄，白肉疊住青瓜片薄起，辣辣地又清新爽口，今餐MVP🥇👅蒜片牛仔粒（$78）👎🏻牛仔粒肉質好乾好韌，醃得太鹹太重味，似食緊牛肉乾🐮，蒜片仲軟軟地，炸得唔夠脆，簡單一句不推薦👅特飲 - 十八歲/港女（$48/$58）👍🏻唔同水果口味嘅特飲，每款都加咗清酒🍶，酒味偏淡，飲到底先突出啲，比起調酒更似果汁🍹。注意佢個杯好似不倒翁咁圓轆轆，一唔小心撞到就會倒瀉晒⋯————————————————🚩總結：蒜泥白肉比酸菜魚更有驚喜———————————————— 🌟注意：用餐時間限時90分鐘————————————————📍 麻辣五三五

麻辣五三五嘅lunch menu非常抵食，只需$98就有得食烤魚或者干鍋，星期一至日都有，坐得舒服味道仲要非常唔錯！烤魚同干鍋都分別可以揀兩款配料同兩款菜類，烤魚就揀咗午餐肉、魚片、薯仔同金菇，干鍋就揀咗鮮雞件、清水大蜆、芋頭件同萵筍，私心推薦芋頭件！ 外面炸得香脆，食到唔停口！大蜆都幾新鮮，萵筍絕對係麻辣良伴😝 而魚片其實只係魚柳，我就覺得麻麻地…自己好鍾意食川菜但又唔識得太辣😂 今次叫咗小辣，完全勁啱我！ 好味得來又唔會太辣~ 平時好驚有啲川菜辣到根本食唔到咩味！不過佢干鍋超級香，但就略嫌份量少咗啲，比較推薦烤魚！個人認為佢嘅烤魚甚至暫時係香港食過最好食！

朋友呢排心情麻麻，見佢鍾意食麻辣嘢，一於訂呢間餐廳同佢大食一餐餐廳唔係話好大，裝修得幾時尚，尤其是嗰兩塊霓虹光管招牌😎烤魚湯底有五種選擇，有辣有唔辣，不過今晚我就佢，揀咗麻辣湯底$198原條魽魚先炸過和開邊，放落烤盤上，加上大堆頭的辣椒，未食已經覺得很辣。魚質鮮嫩，因為炸過的關係，所以滾住條魚都唔散我哋又嗌咗幾款配料打邊爐，配料索晒啲麻辣湯汁，真係好刺激，朋友覺得非常滿意。水晶粉好滑，滲著濃烈的麻辣香味，我對佢真係有愛有恨窩筍$28同薯仔$28，幾爽口。牛筋丸$48，已經切開一半，容易入口， 夠彈牙，一咬落去，既有濃郁的牛味又有麻辣味，爽再加咗碟油麥菜$28，份量十足，我哋食唔曬。朋友唔夠皮，仲要嗌多碟麻辣口水雞，同樣夠麻辣，雞都嫩滑呢度有酒和不同飲料供選擇， 我哋叫咗涼茶，汽水， 椰子汁。看到朋友的笑臉，這餐是選對了。

好耐都冇食麻辣川菜了今次就相約朋友去到尖沙咀食「 #麻辣五三五 」 @ngsaamng同朋友一齊滋味一番一出Lift已經聞到好香嘅川辣味道一坐低打開餐牌有我最鍾意食嘅 #烤魚當然一定要試一試啦‼️⊰⊹════════════════⊹⊱✎ 食後感 ：✨🤎️【 #烤魚 】呢度嘅招牌烤魚有五款湯底選擇另外仲有好多配菜揀添我哋就揀咗BB辣佢真係成條魚好有份量上㗎食落去多肉少骨而且魚肉好滑溜好鮮嫩話咁快就食咗大半條了❤️【 #麻婆豆腐 】平時食白飯就最鍾意有汁嘅餸菜送飯麻婆豆腐就係我其中一款至愛豆腐有入口即溶嘅口感之餘而且朔晒麻辣汁嘅味道少少辣真係好滋味💚【 #京蔥炒牛肉 】知道朋友係牛魔王這個餸菜佢好鍾意食京蔥好香而且炒得好有鑊氣估唔到牛肉嘅份量都頗多而且食落去牛味濃郁好軟口💛【 #川滷鴨舌 】雖然去唔到台灣買我最鍾意嘅鴨舌做手信喺香港呢一間餐都可以食到正宗嘅鴨舌滷得好入味呢💗【 #王老吉 】點少得整返罐王老吉清一清熱氣爽一爽喉嚨啊

食辣真係會上引架!!!!我已經介不掉!!一星期要吃三天先滿足到我!我呢個麻辣控今晚想食川菜，問一問格離同事有無好推介，佢肯肯定定就答: 麻辣五三五! 答得甘肯定，一於就試呢間!店內裝飾以霓虹為主，拍照起來特別吸引眼球，風格獨特。麻辣主打川菜，當中我最有興趣是烤魚，這些風味不是哪裏都可以吃到的。望見有不同烤魚選擇，有清湯，酸菜，麻辣。我哋就叫了一個主打的麻辣烤魚，等了一會兒主角上枱，真係份量十足。上面放滿了辣椒同辣椒同辣椒，不得了，嗅到已經好想食啦! 但店員告知滾一陣就可以食，條鱸魚真係啖啖肉，沒有好多魚骨，肉質十分嫩滑軟熟，一夾就係一塊塊結實厚身嘅魚肉，麻辣叫咗中辣，辣味滲晒入魚肉，入口時完全感受到個湯底辣度同入口一會就出現嘅麻辣感覺！很過引!讚~我地仲叫咗鮮鴨血，牛柏葉，蓮藕，支竹，豬肚做配菜，邊食魚邊打邊爐，越打越辣越香，沒有飽的感覺，最後加了一個薯粉就大滿足了。

尖沙咀真的餐廳多得看不見盡頭，處處美食，今天又給我發現到一間。"麻辣五三五" 屬樓上餐廳。店員非常熱情招呼入座，用心介紹餐牌。午餐時段非常抵食🤩。好像烤魚，$98就有整大條；而午餐市套餐，$58就有一餸一飯一小食一湯。餐牌好多選擇，好多都想叫，不過肚子空間有限。最後點了一個午市套餐、必點的烤魚、擔擔麵和一個八頭鮑魚。‖ 午市套餐：宮保雞丁 (配小食：青椒皮蛋) ($58) ‖宮保雞丁麻麻辣辣，香口惹味，但又不會去到很辣。雞塊嫩滑美味。好喜歡吃那些花生😍，忍不住夾完一粒又一粒，好吃得令人上癮😆。青椒皮蛋，皮蛋非常新鮮，半點苦澀味也沒有，帶點溏心，好味😋。而青椒同樣新鮮，濕軟微辣甘甜。‖ 水煮烤鱸魚 ($148) (加配6款配料 $60) ‖烤魚我們加點錢選用鱸魚，晚市要$248，午市只需$148。湯底選水煮味，沒麻辣這般辣。配料要羊肉片、肥牛、鮮冬菇、生根、豆卜和娃娃菜，每款$10。鱸魚非常鮮嫩☺，很大條，好多肉，魚肉十分鮮甜，配合水煮湯汁，好好味😋。想讚那個肥牛❤！不是平時火鍋那種簿簿一片的肥牛，是厚厚一塊那種。十分十分鮮嫩，牛味非常濃郁，絕對是高質靚肥牛！超級好吃🤤😍！然後想說午市套

放假尖沙咀做完個Facial，去隔離嘆個川菜午餐先～｜擔擔麵｜ $48麵質幼滑，掛汁能力一能｜豉椒炒蜆｜ $88以為得啲殼，原來蜆肉跌曬落底部，蜆肉都好厚肉、炒得香口惹味～｜勝瓜雲耳炒豬頸肉｜ $68點了一個唔辣嘅菜式，材料都好入味，份量都算多～｜干煸四季豆｜ $68四季豆夠乾身，混合肉末同欖菜食正呀～｜香油鹽水雞｜ $68上面舖有蒜粒，雞肉都好嫩滑，雞皮好爽口～｜蒜泥白肉 ｜$68白肉好爽口唔油膩，夾住蒜蓉泥食真係人間美食～｜宮保雞丁｜ $78我平時較少會點嘅一道菜，怕佢辣椒過多無乜肉食，但雞肉粒都多，炒得香口～｜洛神花冰茶｜ $25唔甜，適合正在減肥嘅人士～｜18歲｜ $58名稱好有趣，個杯都好似不倒翁咁～蘋果汁、橙汁加清酒，好清新消暑～

唔記得喺邊度睇到佢嘅宣傳優惠，99蚊食烤魚仲要係原條嘅，即刻狗衝啦梗係環境唔算話好大，不過咁平都冇乜所謂啦講返條魚先，黎到真係原條魚，仲都幾大條下，佢係可以畀你加錢加餸嘅，價錢亦都好平冇記錯係十零廿蚊，咁當然份量都會減少好多啦，但我覺得咁樣仲好可以揀多幾款😂而魚嘅味道一開始黎到即刻食嘅時候係好好食嘅，雖然嗰陣時d辣汁未開始入味，但至少都仲食到，去到後尾個魚越嚟越咸，應該話個湯先啱，我哋本身嗌咗烏冬，一放落去散咗夾番起上嚟，咸到食唔到😂我哋有懷疑過待應加嘅係咪湯，，所以越加越咸，但係原來佢只係加水，所以食咗半條，基本上另外嗰半條係鹹到食唔到😂😂至於點解會咁喊，我都唔知😂😂

尖沙咀一直是美食的天堂，區內很多不同類型的美食，加上地點交通方便，很多人都會選擇在這區晚膳。麻辣烤魚$198，麻辣味道香濃，非常配合魚的鮮味，烤魚是採用魽魚，所以魚骨比較少，魚肉味道鮮美，可以放心進食。麻辣乾鍋，最少選擇五款食材，田雞$58、豬大腸$68、萵筍$28、娃娃菜$28、椰菜$28、台灣黑椒腸$48。辣椒份量十足，調味料香濃，原來蔬菜非常配合這個干鍋，雖然其他配料都很好味，不過蔬菜的味道更加鮮味可口。

呢幾年流行食烤魚但香港烤魚店質素參差去麻辣五三五 @ 質素就一定有保證🐣美極雞軟骨先食一道小菜調味濃郁香口雞軟骨唔會太硬幾鐘意佢既口感🐟清椒清香汁烤魚清椒唔辣但有獨特既香辛味原條魚肉質鮮嫩甜美加上可以打邊爐咁隨意增加配菜配菜：🥩海鮮，肉類，丸類，蔬菜都應有盡有🦪清水大蜆夠鮮味🦆嫩鴨血份量好大🌭台灣腸就味濃有特色🐮點少得肥牛同滑牛肉牛味好濃又唔硬🥕最後仲加左日本蟹柳，魚皮餃，白蘿蔔，窩荀，豆腐，水晶粉，稻庭烏冬推介超吸湯既水晶粉仲有爽口窩荀🥥椰子汁真正椰汁香濃順滑

今日約咗朋友到尖沙咀九龍公園游水。游完水之後，非常肚餓。朋友提議要去食辣野，就揀選「麻辣五三五」食四川菜。😍來到大廈地下大堂，有店員派發傳單，見到都流晒口水！店員會用對講機通知餐廳安排座位給我。👍門口的裝飾幾得意，一樽樽玻璃樽麻辣香料辣椒乾展示出來。😍店內嘅環境，燈光暗暗地，和朋友一起傾吓計都坐得很舒服。😌餐牌上選擇有很多的小炒、干鍋、烤魚、水煮魚，小食系列，都係四川麻辣風味。和朋友商量下，決定點幾款小炒菜送飯。👏《霸王辣子蝦》＄138，燭爐盤上枱保持溫度，份量十足，蝦非常大隻，食落辣辣地，但蝦很爽口。😋《干煸四季豆》＄58，欖菜切得很精細，配上肉碎四季豆，食落味道不太鹹。😋《正宗四川回鍋肉》＄88，肉片不太肥膩，薑蔥很香口，送飯一流。😋《干煸田雞》＄98，田雞外面脆卜卜，內面肉嫩滑，辣辣地食不停口。😋《幻彩碟豆花冰茶》＄28，淡淡地，好像提子汁味道。🧉《洛神花冰茶》＄25，酸味味，清涼解辣。🍹很滿足的一餐小辣四川菜。😍

今晚收工去「麻辣五三五」，要用美食滋養一下，工作辛勤一日的最佳回饋，就是去食酸菜魚。酸菜魚今次揀了鯰魚，肉質鮮嫩滑溜，而且份量非常之多，鍋底材料豐富，有酸菜，秀珍菇，各種香料，薯粉，我們還加了日本豚肉和豆卜，先試一啖湯底，酸度恰到好處，濃淡適中，酸菜爽嫩，薯粉口感煙靭彈牙，每次吃都感到非常滿意。燒蠔牛油蒜蓉燒蠔是冇得輸，店員放上枱的時候是熱燙燙的，蠔肉都係肥大肉厚，肉身超大粒。蠔肉肉色靚，口感彈牙爽脆，非常鮮甜。整體來說，這裡的酸菜魚性價比非常高，價錢公道，水準非常高，用料豐富，招呼好，坐得又舒服，值得推介再來。

近來迷上麻辣食物，發覺在夏天吃辣特別過癮，在炎炎夏日出一身汗更是爽快！今晚跟朋友到尖沙咀的麻辣五三五，試試她介紹的烤魚。我們二人點了麻辣汁烤鱸魚，另外加牛柏葉油麥菜、水晶粉及白飯。又點了兩份前菜，包括川滷鴨舌及香油鹽水雞。飲品方面，則點了養生推介：洛神花冰茶以及幻彩碟豆花冰茶。香油鹽水雞份量多，上面鋪滿了薑蔥及香油，雞肉嫩滑有雞味，即使雞胸部份亦不會鞋口，不錯！鴨舌比較少吃，爽口彈牙，配上滷水辣汁很惹味，配白飯吃一流。而主打的烤魚質素高，首先鱸魚的尺寸大，二至四人分享亦足夠。鱸魚魚肉滑口而結實，魚本身已經煎香過，所以魚皮有一陣陣香口的燒烤味。至於麻辣味有層次，一入口覺得麻而不辣，之後反而越食越辣，越食越過癮。另外加上牛柏葉、油麥菜、水晶粉等索湯食材，香辣味十足，十分惹味！至於兩杯飲品有透心涼的感覺，而且甜度不高，感覺健康，亦很解辣。碟豆花有淡淡花香，味道清香不會過濃，配合比較濃味的麻辣烤魚很合適！下次有機會會再試其他菜式及飲品！

男朋友成日都嘈住要食烤魚😤唔多食魚既我結果都要陪佢食🤭你開心咪得囉可睇睇餐牌呢度除咗有烤魚食之外，仲有干鍋同小炒。咁我地今次都係主用食魚，魚都有五種口味（香茜皮蛋、麻辣、清椒、酸菜同水煮）。我地先點一個酸菜魚，店員都好快攞咗個爐俾我地，一盤勁多酸菜同草菇嘅烤魚都隨即送到！我就即刻試咗一啖個湯，清甜但就唔夠酸，我地鋪平啲酸菜再煲佢5分鐘正式開餐！條鰓魚多肉而且小骨，同酸菜一齊食好夾，外皮佢炸過，食落好香口，條魚啲肉好滑好好食😋（因本人唔多食魚的，魚既部分由男友處理，我食過兩啖，覺得腥就放棄了）另外我自己就叫左杯神泡sapporo再叫左個餸食，干煸四季豆是必食的，極之惹味，又平又大碟，我自己隊左大半碟。辣辣地，用黎佐酒一流。另外為左令自己食飽，我仲叫左碗酸辣粉食，極之辣又有麻香，可惜唔多覺有酸味。不過唔怕！我有酸菜魚，浸落去食瞬間變酸，得左。男朋友話佢下次可以帶朋友黎😂我表示認同