影片
更多
2017-12-10
213 瀏覽
如果要揀香港人最鐘意食嘅菜式，相信問十個人，有一半以上都會答日本菜吧，所以日本菜遍佈港九新界，不論係連鎖定小店，不論檔次。比較高檔嘅日本料理都唔少，我地今日食左呢間位於天后琉璃街嘅鮨豊，因為廚師發辦價值不菲，要知道小店質素如何，大可試試佢地嘅午市，價錢較易入口。呢度午市供應廚師發辦外，亦有超過十款定食，配小砵、飯、湯、甜品，定價$218-$388。呢度有吧枱、卡位、房間，因為我地黎嘅時間比較早，都未有客人，環境清靜。每人點左一款定食，分別係壽司定食同鹽燒和牛定食，超滿足。前菜：分別有三小碟，有沙律、南瓜、茶碗蒸，賣相精緻。沙律比較特別，面頭有塊腐皮，軟身。茶碗蒸嘅味道十分驚喜，面頭加有柚子，蒸蛋非常滑溜，比豆腐花更甚，時間掌握剛好，裡面有蝦肉、冬菇，蝦肉爽口，非常難得湯：湯品夠熱，裡面有蘿蔔片，飲落清甜。壽司拼盤定食：一共有12件，加上一條卷物，比起晚市食嘅omakase，算係相當划算。壽司分兩次上，第一次有六款魚生，有拖羅、赤貝、甜蝦、鯛魚等，拖羅入口即溶，雖然唔算好肥，但都好高質甜蝦黏身，同一般日本料理食到嘅差好遠，因為佢係非常新鮮。赤貝唔係好大隻，但都好爽口。壽司飯唔會太結實，亦
前菜：
分別有三小碟，有沙律、南瓜、茶碗蒸，賣相精緻。沙律比較特別，面頭有塊腐皮，軟身。茶碗蒸嘅味道十分驚喜，面頭加有柚子，蒸蛋非常滑溜，比豆腐花更甚，時間掌握剛好，裡面有蝦肉、冬菇，蝦肉爽口，非常難得
湯：湯品夠熱，裡面有蘿蔔片，飲落清甜。
壽司拼盤定食：一共有12件，加上一條卷物，比起晚市食嘅omakase，算係相當划算。壽司分兩次上，第一次有六款魚生，有拖羅、赤貝、甜蝦、鯛魚等，拖羅入口即溶，雖然唔算好肥，但都好高質甜蝦黏身，同一般日本料理食到嘅差好遠，因為佢係非常新鮮。赤貝唔係好大隻，但都好爽口。壽司飯唔會太結實，亦都唔會一夾就散，魚生新鮮，輕輕沾上芥茉已經食得
另外六件已添加了赤醋，有蟹肉、鯖魚、右口魚邊、鰻魚、醃海膽、玉子，幾款都好好食
蟹肉份量大方，而且明顯食到蟹嘅鮮味。右口魚邊比較少食，炙燒過後，油脂豐富又香，入口即化。至於鰻魚都好高質，食落軟熟冇一絲腥味，肉質細密。醃左嘅海膽係第一次食，除左一陣濃烈嘅海膽味，仲多一陣清新感覺，保留海膽嘅鮮甜，又唔會太漏。玉子都係店家嘅招牌，用上魚肉、蝦、蟹肉打碎再焗成，口感好似蛋糕，又香又軟腍，食多幾件都得
吞拿魚蓉手卷：材料滿滿，一路食到底都有吞拿魚蓉，而且紫菜好香脆。
鹽燒和牛定食：另一份點左價錢較高嘅和牛定食，回味無窮。店員會問客人要幾成熟，和牛我地揀左要5成啦。和牛大約切成十幾件，面頭加有蔥粒、黑椒。外面燒至香口，裡面肉質保持粉嫩，入口雖然未至於即溶，但牛味四溢，而且口感非常軟熟，而同時帶咬口，輕輕用鹽調味已經好出色。伴上一碗日本米飯，輕易食哂，感覺好滿足
甜品：甜品係豆腐雪糕、柚子雪葩，個人比較推薦後者，因為豆腐味雪糕唔算好濃味，相對之下，柚子嘅清新涼快感覺更令人回味
相比起晚市，用一人價錢就食到如此滿足嘅午餐，推薦大家一試
張貼
