影片
更多
2021-06-08
230 瀏覽
一向都好鍾意飲茶，不過點心逐碟計，一啲都唔平，叫吓叫吓隨時都幾百蚊埋單。最近有朋友約咗我去佐敦「輝哥私房菜」食點心放題，原來佢之前嚟過，覺得店舖嘅點心不但花款多，而且價錢經濟實惠，網上預訂，每位都只係 $78，另收加一及茶芥，就可以 90 分鐘任食超過 50 款點心，所以想同我嚟試下。一坐低就即刻剔點心，點心全部自家製作，即叫即蒸，有蟹子燒賣、鮮蝦腸粉、奶皇包、棉花雞，另外仲有多款巧手小食、粥品及時蔬等供應，款式超多。燒賣表皮薄透，配搭頂端的蟹子，光是外形就已經令人食指大動。入口果然唔錯，蝦肉好大隻好煙韌，蟹子也很脆口。豬肚燒賣亦值得推介，豬肚爽口之餘，下面的肉球亦十分彈牙美味。蝦餃皇晶瑩剔透，外皮薄得嚟又夠均勻，入口帶點柔韌，唔會一夾就爛，蝦肉爽口新鮮。鳳爪好大隻，醃得夠晒入味，肉質軟腍香口。馬拉糕甜得自然，而且糕身蒸得又鬆又軟，絕對是水準之作。奶皇包熱辣辣勁流沙，食嘅時候小心奶皇漿爆曬出嚟！八味豆腐外皮炸得十分香口，內裡嫩滑，豆味香濃。魷魚鬚亦值得一試，炸粉唔會好厚，入口乾身鬆脆，而且椒鹽味甚香，完全無油溢味。唐生菜新鮮嫩綠，口感爽脆，加上用了麵醬來烹調，更為惹味。肉片粥嘅粥底好綿
最近有朋友約咗我去佐敦「輝哥私房菜」食點心放題，原來佢之前嚟過，覺得店舖嘅點心不但花款多，而且價錢經濟實惠，網上預訂，每位都只係 $78，另收加一及茶芥，就可以 90 分鐘任食超過 50 款點心，所以想同我嚟試下。
一坐低就即刻剔點心，點心全部自家製作，即叫即蒸，有蟹子燒賣、鮮蝦腸粉、奶皇包、棉花雞，另外仲有多款巧手小食、粥品及時蔬等供應，款式超多。
燒賣表皮薄透，配搭頂端的蟹子，光是外形就已經令人食指大動。入口果然唔錯，蝦肉好大隻好煙韌，蟹子也很脆口。豬肚燒賣亦值得推介，豬肚爽口之餘，下面的肉球亦十分彈牙美味。
蝦餃皇晶瑩剔透，外皮薄得嚟又夠均勻，入口帶點柔韌，唔會一夾就爛，蝦肉爽口新鮮。
鳳爪好大隻，醃得夠晒入味，肉質軟腍香口。馬拉糕甜得自然，而且糕身蒸得又鬆又軟，絕對是水準之作。奶皇包熱辣辣勁流沙，食嘅時候小心奶皇漿爆曬出嚟！
八味豆腐外皮炸得十分香口，內裡嫩滑，豆味香濃。魷魚鬚亦值得一試，炸粉唔會好厚，入口乾身鬆脆，而且椒鹽味甚香，完全無油溢味。
唐生菜新鮮嫩綠，口感爽脆，加上用了麵醬來烹調，更為惹味。肉片粥嘅粥底好綿滑，瑤柱同帶子鮮味完全滲晒入米內，加上嫩滑的肉片，入口香氣誘人，鮮甜無比。
放題會每人奉送紅燒皇子鴿半隻，鴿皮燒得好香脆，食落唔會太乾，鴿身啖啖肉，肉質鮮甜又不會太油腻。
另外仲有好多款大排檔小食，如咖喱魚蛋、韭菜豬紅、韭菜餅、香煎蘿蔔糕、碗仔翅，飲料：蜂蜜雪梨汁、罐裝飲品等，放晒喺外面嘅自助區，全部都可以任飲任食，就算係大胃王都必定會捧肚而回。
張貼
