雲壽司 (聯成商業中心) (已結業)

毒自一人去一間喺銅鑼灣逆市開咗冇耐嘅壽司店🍣食Omakase午餐，聽講有米芝蓮師傅坐鎮👨‍🍳，食材都由日本空運每日直送到港🇯🇵，講到咁把炮，特意過嚟自私食🤓。🌥雲 KUMO $450刺身4點，壽司7件，手卷1條，麵豉湯👉刺身有三文魚腩、生蝦、飛魚、廣島蠔；👉壽司有吞拿魚、剝皮魚、鯖魚、北寄貝、深海池魚、北海道海膽、魴鮄；👉手卷係蔥吞拿魚腩蓉手卷。生蠔幾肥美又鮮甜，各款壽司都有水準，肉質鮮嫩，海膽份量都好豐富。店內空間比較細，就得長長可容納數人嘅食枱，枱亦比較窄，但可清楚看到師傅嘅一舉一動。牆身可以斟熱水同加抹茶粉🍵，其實呢個價錢食廚師發辦都幾親民嘅。