影片
更多
2021-08-02
83 瀏覽
放假真係要犒賞下自己，於是去咗呢間銅鑼灣酒店嘅Omakase，先講結論——perfect池！我揀嘅呢個Lunch Set $1180，總共食咗十二樣嘢，由前菜到手握壽司到甜品應有盡有，連茶都有綠茶同焙茶兩款，非常豐盛。相太多不能盡錄，下面揀咗啲我印象特別深刻嘅嚟重點介紹～———————————————枝豆豆腐配醬油湯汁唔係一般豆腐爽滑嘅口感，微微有種軟糯感，枝豆豆腐本身味較清淡，醬油味就隨後而上福岡間八手握壽司味道沈穩，新鮮但鮮味唔會太狂放魷魚手握壽司配上海藻鹽、青檸汁，魷魚懶散嘅質感好似做緊按摩時，慢慢推散全身嘅肌肉咁嘅舒爽感覺，配埋酸度唔高嘅青檸汁，喺悠閒中搵到一線定向靜岡池魚蔥蓉襯托之下，池魚本身嘅鮮味同口感更加突出鹿兒島赤身（吞拿魚）用上魚嘅背部不含油脂、醬油又格外濃味，健康之餘亦睇得又食得靜岡平目魚平目魚喺香港又叫左口魚，壽司有青檸調味，酸酸哋，但都只係微酸，青檸本身比較低調，平目魚嘅咀嚼感比米飯更軟散，口感仿似喺花叢撥開葦草，如此清新鹿兒島中吞拿魚腩和暖嘅溫感由壽司中心擴散，吞拿魚腩尺寸唔細，雖然帶有一定份量但仍然能夠保有綿一般嘅質地，可謂精湛小丼北海道馬糞海膽、三文魚籽海
我揀嘅呢個Lunch Set $1180，總共食咗十二樣嘢，由前菜到手握壽司到甜品應有盡有，連茶都有綠茶同焙茶兩款，非常豐盛。相太多不能盡錄，下面揀咗啲我印象特別深刻嘅嚟重點介紹～
———————————————
枝豆豆腐配醬油湯汁
唔係一般豆腐爽滑嘅口感，微微有種軟糯感，枝豆豆腐本身味較清淡，醬油味就隨後而上
福岡間八手握壽司
味道沈穩，新鮮但鮮味唔會太狂放
魷魚手握壽司
配上海藻鹽、青檸汁，魷魚懶散嘅質感好似做緊按摩時，慢慢推散全身嘅肌肉咁嘅舒爽感覺，配埋酸度唔高嘅青檸汁，喺悠閒中搵到一線定向
靜岡池魚
蔥蓉襯托之下，池魚本身嘅鮮味同口感更加突出
鹿兒島赤身（吞拿魚）
用上魚嘅背部不含油脂、醬油又格外濃味，健康之餘亦睇得又食得
靜岡平目魚
平目魚喺香港又叫左口魚，壽司有青檸調味，酸酸哋，但都只係微酸，青檸本身比較低調，平目魚嘅咀嚼感比米飯更軟散，口感仿似喺花叢撥開葦草，如此清新
鹿兒島中吞拿魚腩
和暖嘅溫感由壽司中心擴散，吞拿魚腩尺寸唔細，雖然帶有一定份量但仍然能夠保有綿一般嘅質地，可謂精湛
小丼
北海道馬糞海膽、三文魚籽
海膽甚至唔需要咀嚼而入口即融嘅溫柔，搭上充盈嘅三文魚籽嗰份爆發力且瞬逝嘅味道，頗有除夕夜對住夜景聽緊交響樂時，窗外偶爾放起煙花嘅意境
東京深海鰻魚 穴子
比起一般鰻魚更更細膩嘅口感，似一幅雜訊近乎零嘅風景相，完全唔會有起渣嘅觸感，亦似一塊陶泥，開頭只覺得思緒無邊無際咁徜徉，搓下搓下一切越漸明朗——呢件鰻魚手握壽司就係帶嚟咁嘅歷險
麵豉湯｜淮山、芝麻
越飲到後段味越濃，似海綿咁越嚟越濃，始終保持一份順滑口感
小卷（左起：牛蒡、乾瓢、黃蘿蔔加紫蘇葉）、玉子蛋
如果要為幾塊小卷各自比一個關鍵詞，牛蒡硬朗口感係果斷；乾瓢嘅果甜係天然；黃蘿蔔同紫蘇葉嘅清脆就係爽朗、玉子蛋嘅用料有sake、蛋、砂糖、蝦蓉，口感居然幾乎似麵包布丁，明明可以完好無缺咁以塊狀夾起，但一入口就旋即飄散，好似一座精緻嘅沙雕，海浪一至即散，但美感同餘韻久久不去
張貼
