牛陣 (已結業)

移師官塘上班，要重新搵食晏好去處，第一站就係公司附近嘅蒲點APM，當中依間食肆都係比較有特式嘅一間。首先午市食日式火煱嘅已經唔多見，而且價錢都算相宜。午市有四款套餐，全部都係五、六十蚊，而且配菜係自助任食，當中嘅選擇都唔少，如冬菇、金菇、烏冬、冬瓜等等。佢哋個湯底比較清，用電爐好快就會滾，醬汁只有豉油同花生醬，相對來說比較少選擇，而且個人覺得佢哋個醬油調得比較酸，唔太啱本蟲口味。如果食飽之後仲有時間，可以再攞雪糕食，雖然係平價貨，但都有三隻味揀，幾十蚊有咁多嘢食加上地方寬敞，對上班族嚟講都算係幾唔錯。