影片
更多
2021-06-09
2143 瀏覽
又喺一篇行完山，晌茶記嘆下午茶嘅系列，皆因戶外活動做得最多就喺行山喇。今次唔喺同平常行開山嘅朋友行，而喺黐朋友，跟佢啲行山友行，路線就由火炭駿洋邨起步，晌後山一直上，經話搖斗坪、河瀝背、大埔滘，終點就到達大埔四色林，然後坐返車一齊落大圍食下午茶。大家都喺上年紀一輩，鍾情啲舊茶記，所以，搵咗「大利」。 入到裡面，地方唔大，主要喺卡位、細方枱，可以講環境幾逼，啲枱櫈拍得好近，基本防疫做咗等同無做。而啲卡位好細張，緊緊好坐到兩個中等身材嘅人，肥啲、大隻啲都凸晒出嚟。 所以呢，啲餐牌、調味料……等等，都升高掛晌卡位啲牆邊度，否則，枱面真喺擺唔到幾多嘢。 一張對摺過膠餐牌就睇晒有咩嘢食，不過，呢度嘅下午茶餐好少選擇，好彩仲有一種午餐（12:00pm-6:00pm），唔喺碟頭飯，而喺一款公仔麵/ 米粉 / 通粉 / 烏冬再搭一款多士拼煙肉、餐肉、腸仔之類，其實等同一般茶記嘅常餐，賣$40。沙爹牛肉公仔 改出前一丁需加$5，但個人嚟講，都唔喺一丁嘅鐵粉，茶記啲大光麵我都OK。沙嗲牛肉可以話喺茶記嘅百搭，早餐見佢，茶餐又見佢，更喺常餐嘅常客。睇相就見，沙嗲牛肉落得一啲都無手緊，啲牛肉整得幾軟腍，沙嗲亦
入到裡面，地方唔大，主要喺卡位、細方枱，可以講環境幾逼，啲枱櫈拍得好近，基本防疫做咗等同無做。而啲卡位好細張，緊緊好坐到兩個中等身材嘅人，肥啲、大隻啲都凸晒出嚟。
所以呢，啲餐牌、調味料……等等，都升高掛晌卡位啲牆邊度，否則，枱面真喺擺唔到幾多嘢。
一張對摺過膠餐牌就睇晒有咩嘢食，不過，呢度嘅下午茶餐好少選擇，好彩仲有一種午餐（12:00pm-6:00pm），唔喺碟頭飯，而喺一款公仔麵/ 米粉 / 通粉 / 烏冬再搭一款多士拼煙肉、餐肉、腸仔之類，其實等同一般茶記嘅常餐，賣$40。
沙爹牛肉公仔 改出前一丁需加$5，但個人嚟講，都唔喺一丁嘅鐵粉，茶記啲大光麵我都OK。沙嗲牛肉可以話喺茶記嘅百搭，早餐見佢，茶餐又見佢，更喺常餐嘅常客。睇相就見，沙嗲牛肉落得一啲都無手緊，啲牛肉整得幾軟腍，沙嗲亦調校得好惹味，配公仔麵，真喺經典。
煙肉、餐肉、多士無老婆同行，就梗喺揀啲絕對唔健康嘅配搭啦，煙肉搭餐肉，肯定喺高脂之選，但就會喺滋味嘅組合，夾入多士一齊食，鹹香惹味。
熱奶茶晌呢啲老茶記，就更加要揀飲熱奶茶啦，好多人揀去茶記，好多時都喺為杯奶茶。厚身嘅舊式瓦茶杯茶，除保溫力強，更喺一種情懷。睇啲茶色就覺得好對辦，入口茶底頗為醇厚幽香，飲落有回甘，茶、奶比例啱啱好，高水準嘅一杯熱奶茶。
跟一般茶記相比，「大利」嘅定價可以講喺相對貴，但依然咁多人幫襯，證明有一定質素。
張貼
