大利茶餐廳 (已結業)

9:30早餐（沙爹牛麵、蛋治一件、凍檸檬茶）送到9:34 左手仍揸住蛋治、碗麵還剩一大半、凍檸茶有一大杯（伙記問我食完未？？想清我枱） 比客入9:35 走！食完一個火起假期早餐（冇道謙不不特止，嘴角上揚😏，態度差！今時今日咁嘅態度，係大圍咁耐都唔會再幫襯）

同朋友食飯，隨便附近找一間，今晚叫左小菜套餐，西蘭花鮮魷魚及涼瓜排骨。鮮魷無海鮮味，很重梳打粉及梘水味。涼瓜咸，排骨很鞋及硬，似翻煮多次，唔太新鮮。例湯係冬瓜排骨湯，可接受，有湯有渣。最後，叫左杯凍檸茶少甜，無少甜，甜到呢，下次幾肚餓未必考慮再幫襯囉。

寒冷天氣警告之下，寒風仲要落雨☔️ 凍就黎變雪人🥶 要食d熱辣辣既野暖下個人。之前已經打左幾次邊爐，今次想轉下口味，好在大圍真係咩都有得食，所以今晚揀左食煲仔飯😋 例湯未上菜之前，店員就上左一大碗雜菜湯。材料好正常，有菜、蘿蔔同豬肉，特別既係d菜已經煲到無乜味，但咬落又有少少海帶果種texture🤔 臘腸排骨煲仔飯 ($75)係熱辣辣既煲仔飯☺️ 食完就暖番哂。臘腸同排骨都算多，不過臘腸偏硬&唔夠香，而排骨雖然大舊但係有d鞋&無乜味。水準中下。鹹魚肉餅煲仔飯($75)男朋友叫左鹹魚肉餅，佢個煲好食過我果煲好多😅 仲有飯焦添呀！不過個鹹魚都係差咁d 鹹香，同埋肉質唔夠霉😅 不過呢個價錢，呢個質素都ok既。

見到呢間茶記都喺大圍好耐下，一心唸住食茶記事但一間都應該好ok 啦入到去只係叫左一般茶記既早餐，沙爹牛肉麵配火腿煎蛋多士，真係完全無唸過d 野食會難食到咁🤦🏻‍♀️個沙爹牛肉麵勁多水搞到個湯完全無味，淡如水，d 牛肉一陣雪味又鞋好難食😑唸住係啖味d都算啦照食，咁咪將塊火腿放左個麵度食啦，一放火腿入口，塊火腿係酸臭味（已經壞左）， 我又已經浸左落湯，搞到唔敢再食果個水麵😡成個麵都唔無食到十啖呢間餐廳一定唔會再食😡😡

呢間除咗煲仔飯之外，其他可以不提😓先講好野先：煲仔飯～臘味用料靚👍肥廋適中😋飯底煲到剛起蕉👍😋😘粒粒乾身，唔會太多水👍👍😘😘第二讚美女事頭婆比較專業D同E Q高，其他員工😓😓落單流單、錯單、未落完行左去，又知道你未落完返黎再落😩真奇怪🤔煲仔飯豉油又攞錯😩油菜上枱有條半天吊、又老😅炒飯炒出嚟白色😓眼見太濕😓呢間外賣都很多，有自取、有上網訂，事頭婆真係要加油💪💪💪

今日係大圍做嘢，大街勁多人，所以行入去後街搵野食。見到呢到有位就入去坐啦！食物叫左個凍奶茶，個奶茶冇乜奶味同冇乜茶味。我就飲凍檸茶，我覺得個茶底幾好，有鮮檸檬味！叫個咖哩魚柳飯，可能因為係茶記嘅關係，冇expect 過個咖哩係好似日式咖哩咁…啲魚柳唔係梅，但好冧…個人覺得魚硬身啲好食再黎鹹魚蒸肉餅飯，個份量都好大！唔知係咪鹹魚啲鮮味落晒去個肉餅度🤣個鹹魚唔鹹，不過有霉香味！個肉餅鹹到飛起啲肉餅都好有咬口。環境有廁所，呢個要讚！廁所抽風好勁，同埋都好乾淨！地方比較淺窄，要小心啲行。

因為住附近，所以都算幫襯得幾多，通常去食午市嘅碟頭飯餐加杯凍奶茶，普遍嚟都算唔錯，幾欣賞佢哋嘅汁，例如咖喱汁同京都骨嗰類嘅酸甜汁，都調教得唔錯。但令我成日會幫襯嘅原因，係佢杯奶茶，水吧叔叔令呢個套餐攞左唔少分數👍🏾另外，令我唔想再幫襯嘅原因，係佢哋啲樓面姐姐服務態度真係好差，尤其偏瘦短髮嗰位…為左唔想再食到一肚氣，唔會再幫襯lu!

又喺一篇行完山，晌茶記嘆下午茶嘅系列，皆因戶外活動做得最多就喺行山喇。今次唔喺同平常行開山嘅朋友行，而喺黐朋友，跟佢啲行山友行，路線就由火炭駿洋邨起步，晌後山一直上，經話搖斗坪、河瀝背、大埔滘，終點就到達大埔四色林，然後坐返車一齊落大圍食下午茶。大家都喺上年紀一輩，鍾情啲舊茶記，所以，搵咗「大利」。 入到裡面，地方唔大，主要喺卡位、細方枱，可以講環境幾逼，啲枱櫈拍得好近，基本防疫做咗等同無做。而啲卡位好細張，緊緊好坐到兩個中等身材嘅人，肥啲、大隻啲都凸晒出嚟。 所以呢，啲餐牌、調味料……等等，都升高掛晌卡位啲牆邊度，否則，枱面真喺擺唔到幾多嘢。 一張對摺過膠餐牌就睇晒有咩嘢食，不過，呢度嘅下午茶餐好少選擇，好彩仲有一種午餐（12:00pm-6:00pm），唔喺碟頭飯，而喺一款公仔麵/ 米粉 / 通粉 / 烏冬再搭一款多士拼煙肉、餐肉、腸仔之類，其實等同一般茶記嘅常餐，賣$40。沙爹牛肉公仔 改出前一丁需加$5，但個人嚟講，都唔喺一丁嘅鐵粉，茶記啲大光麵我都OK。沙嗲牛肉可以話喺茶記嘅百搭，早餐見佢，茶餐又見佢，更喺常餐嘅常客。睇相就見，沙嗲牛肉落得一啲都無手緊，啲牛肉整得幾軟腍，沙嗲亦

11:15am送左2個小朋友去💛畫室畫畫襯機去搵地方hea一陣一諗到一陣又要陪食Lunch所以諗住食個早餐先但行暈大圍茶記好多早餐已截單好在仲有呢間 #大利.今次我order早餐A $37 + 凍檸茶$3沙爹牛肉公仔面 拼火腿炒蛋 走多士.為求有得坐下普普通通又一餐 🤷🏼‍♀️😆

經常都經過這條街，但從來沒有試過走進去試一下，今天突然想起來，很久沒有吃茶餐廳了。第一印象就想起了這裡，沒想到這裡在我的腦海裡有這麼深的印象，哈哈，好像有點說得太遠了。言歸正傳，這裡與別的茶餐廳沒有不同，茶餐廳有的食物，這裡都有，選擇非常齊全，「碟頭飯」、各式炒粉麵應有盡有。今天想吃得清淡些，千挑萬選之下，點了一個芙蓉蛋飯，蛋炒得很香，蛋裡面夾帶了很多洋蔥、芽菜和韭黃。份量非常充足，價錢也不貴，下次要來試一下炒粉麵。

極少機會來到大圍，一大早就到，當然要搵早餐食，上網尋找一番（其實唔多選擇），最後近近地食茶餐廳早餐。落住微雨，終於行到來，當然食小弟唯一會選的，沙嗲牛麵，自選當然是餐蛋啦。十分童年回憶的畫面，簡單一個食評，所有野都十分正常，唯有沙嗲汁唔夠多，令沙嗲味唔夠同牛肉有點柴。疫情問題，入店一樣要量體溫，姐姐客氣，各員工暢談時事，十分融洽，有家庭餐廳的感覺。價錢，份量，環境同上菜速度都正常。（簡單一個早餐，無咩食評好寫，敬請見諒）

黎到大利茶餐廳，天時地冬點左個臘味飯，點知臘味同飯竟然係分開上，煲又無煲過，整又無整過，從未見過咁hea的臘味飯。服務態度又差，送餐送到一塌糊塗錯晒單，追左幾次都追唔到，真係等關門大吉

那天跟朋友到了大利茶餐廳吃早餐，我點了雪菜肉絲雞扒公仔麵。每一次到一家新餐廳，我都會點雪菜肉絲麵。我個人認為如果雪菜肉絲煮得好吃，代表其他食品都不會差。這家的雪菜肉絲沒有令我失望，值得回味！

大年初三，人人到車公廟拜神，拜完會來大圍吃飯。我剛好住大圍，這天入常在家附近覓食，但撞著這種大日子，要不店子沒開，要不人山人海。剛好這家茶記有位子，就隨便進去吃飯了。可是，這裡的粉麵飯真的很難吃！我們點了沙爹牛肉炒河($51)和芙蓉蛋飯($46)，飯和麵的量很多，但汁不夠，於是變得乾巴巴。芙蓉蛋的鹽加得不均勻，有些部分太鹹，感覺就像抓了一把鹽把它塞進口裡一樣，感覺難受。以茶記來說，這裡的價錢算是中等，但食感真的太遜色，不太行。這裡的衛生一般，但茶餐廳一般都有點髒。不過位子很多，不用久等。店員以茶餐廳來說算是懂禮貌，所以不嫌棄又趕時間/不想等位子，還是可以去的，不然就算了。

今晚咁岩屋企人出晒去 冇人煮飯咁我就落樓下是但搵間餐廳食 最後入左大利 因為小人同睇落坐得舒服咁我就叫左個咖哩牛腩飯 52蚊 味道都唔錯 牛腩都算鬆軟  係d汁甜左dd總括黎講都算 ok ge