九州市場 (已結業)

星期六經過見午餐都唔貴，就同男朋友入去食，叫左吉列香草雞扒拉面($28,若為學生就$26)及煙雞拼鴨胸烏冬$32,各配一碗面豉湯。碗面豉湯幾好飲，不過唔知係唔係太濃，到食碗面時就覺得個湯底無味，我要勁落七味粉先食得落。不過d面同d烏冬既份量真係好多。另外我個吉列香草雞扒係另上既，但個姐姐放上檯時太大力將其中一塊雞彈左落檯面，當時大家都呆左，我諗住個姐姐會say sorry及換個碟俾我，點知姐姐定左一陣見我地無反應就咁就走左去，我地好疑惑係去換一碟新定係當無事，結果一去無回頭。我地就夾番塊雞啦，可見服務真係差。不過塊雞扒就幾好食，真係好濃既香草味又炸得好脆。d煙雞就好似香腸，鴨胸都係普通啦，埋單$66。