明道

營業中

休息中

銅鑼灣見完客順便同佢食個午餐，佢話推介呢間位於恩平道的樓上店 ～明道店內裝潢清雅舒適，有點小溫馨的感覺。午市套餐豐儉由人，亦有日式火鍋套餐可選。所有定食配有：茶碗蒸蛋、味噌湯、咖啡或甜品茶碗蒸內有冬菇、元貝和銀杏。蒸蛋口感夠曬滑溜。特上至尊鍋套餐$298：黑豚肉和美國牛肉肉味香濃，正！配有新鮮蔬菜。蔬菜籃有內容非常豐富：有本菇、金菇、冬菇、大蔥、皇帝菜、小棠菜、豆腐、水晶粉火鍋料食完之後，店員送來稀飯和蛋汁，倒入火鍋湯內煮成粥，有2大碗呀！香軟綿滑，非常好味。火鍋套餐仲有特選串燒兩款：今次係雞肉串 + 雞翼，肉質嫩滑又惹味。另一個揀午市套餐，銀鱈魚西京燒(配飯)$198銀鱈魚皮脆肉滑，口感一流，夾箸椰菜絲，爽口清甜。餐後甜品係雪糕，有榛子味同鹽味，我食榛子，又香又滑，回味無窮呀。