更多
2018-02-03
3316 瀏覽
新一年第一次星期日要開OT,我地一行5人就去左飲茶,叫左好多野食,難得北京道一號呢啲貴價地方都搵到位唔使book,lunch對住個維港景,幾有feel架!我地叫左個午市套餐再加一碟魷魚酥,魷魚酥係Candy指定要叫既,炸得好脆,雖然要$65,但係好味,份量都唔小,即叫即炸,上到枱都仲係熱既,魷魚好煙靭彈牙,食起上黎唔會覺得好肥!另一上品就係乳鴿,一隻乳鴿份量不多不少,唔好以為得骨呀,真係啖啖肉架!個乳鴿皮好脆,但略厭多左少少油,整體味道都咸左d,但係可以接受的。咸魚雞粒炒飯令成餐飯滿足左,食左d小菜點心都略厭唔太飽,食埋炒飯岩岩好,鑊氣幾夠,炒出黎水份不多,很乾身,咸魚味夠,雞粒份量都唔小,每人一碗剛好填飽肚子。酒樓都唔係只係點心出色,小菜炒粉麵都唔錯呀!
張貼