湄南 (已結業)

平日放假，一個人的午餐都想食好少少。本身喜歡食越南/泰國菜，今次試下間開左幾個月的越南菜。餐廳地方開揚，有幾張枱對住落地玻璃。呢間餐廳平日中午都多附近工作的人來食，無論一個人或者一班人都岩食，抵在全一免加一。清清地，叫左碗生牛肉湯檬。個湯底幾清甜，試完幾啖原味湯，落d青檸汁，完全唔需要落酸辣汁，已經好鮮味。生牛肉厚得黎有少少根，好夠juicy。碗粉的份量非常足夠。