碼頭酸菜魚 (已結業)

今次約左朋友去北角行街，見天氣幾好行去碼頭睇下，見到有間「碼頭酸菜魚」，入去食個午餐。見午餐有一人「馳名碼頭酸菜魚」同「新派黃金濃湯魚」。馳名碼頭酸菜魚配寬粉連餐飲中午唔想食飯所以要寬粉，又可以吸哂d湯，酸菜魚上枱就知不妙🤣🤣一人份量原來甘多，材料都好多，有雲耳、金菇、旺菜，牙菜等等配菜，魚片新鮮滑嫩，冇骨啖啖肉，叫左小辣，所以唔太辣🤣岩哂我。新派黃金濃湯魚配寬粉連餐飲朋友想試黃金濃湯魚，一樣甘多料，同酸菜魚唔同既，湯濃郁而且比較辣，但我都食到。黃金海中蝦超級正，好有鑊氣，配蛋黃但不會死咸，好惹味！椒絲腐乳通菜惹味麻椒雞同樣叫左少辣，炒得有火喉，雞夠入味夠嫩而且有麻辣味道，帶點甜添