碼頭酸菜魚 (已結業)

酸菜魚一人餐 可轉牛或豬肉 加粉條15蚊份 包飯或粉條一份黃金濃湯魚片 有別於一般既單純麻辣 改用泡椒 花椒辣椒 魚肉無骨嫩滑不易散 湯色黃係因為加了粟米粒蓉 料頭仲有木耳芽菜等等  寬粉充滿彈性吸滿湯汁好味~評分8/10消費$77Sauerkraut FishShop B, G/F, North Point (East) Ferry Pier, North Point

碼頭酸菜魚北角真心覺得佢好👍🏻喺北角去觀塘嘅碼頭，一啲都唔起眼，咁啱朋友見到入去試吓，未入去以為好似大排檔feel，入到去先至見到非常整齊乾淨，無論服務傳菜，清潔姐姐，廚師到收銀，都非常有禮貌同親切👍🏻👍🏻而佢哋星期日都有lunch set， $62大大碗，有飯/米線/寬粉可以選擇，超足料又好味，仲要包嘢飲，加兩蚊仲可以轉凍飲，見隔離枱炒小菜，個樣都非常好味，希望將來可以有機會試吓蕃茄濃湯牛- 非常足料，有好多菜同金菇，牛肉多而且唔韌👍🏻碼頭酸菜魚- 兩個朋友叫咗酸菜魚，一碗嘅魚完全冇骨，一碗啲魚有少少骨，但係都係非常傳統味道，好多料好好味黃金濃湯牛- 雖然佢餐牌上只有一隻辣椒，話好少辣，但係如果唔食得辣嘅朋友千祈唔好叫，都係叫蕃茄湯比較好😅不過佢味道係好好食嘅總括嚟講，個人覺得碼頭酸菜魚係好食抵食，值得去支持嘅小店👍🏻👍🏻

一嚟到梗係試佢個招牌菜酸菜魚，再追加左個大腸，跟住叫咗個蒜蓉炒萵筍，初頭好有期待的，一嚟到賣相係唔差嘅，我跟住一試之下，完全冇味道，冇酸味，冇辣味，如果咁樣我都唔知E一味餸係咪叫做酸菜魚，啲魚係幾滑但完全唔入味，大腸就更加唔需要講啦，又係冇味，最厲害嘅一點就係可以連啲配菜都係唔入味，好似啲餸分開煮熟完就咁放上個湯底度，真係未試過咁差嘅酸菜魚，萵筍就是就咁一片片，普普通通，不是切絲。唯一出色嘅地方就係可以坐喺露天食下煙吹吓水試完一次冇下次

一行三人食晚餐，第一次食酸菜魚，叫來了招牌酸菜魚，才知道酸菜魚原來沒有放酸菜，只是放黃芽白，湯頭只有少許辣，沒有酸味，長知識了。XO醬炒花枝片，不知道用了甚麼XO醬，味道只有嗆喉感覺，沒有香味，花枝片大小不一，沒有鮮味。椒鹽墨魚咀，應該改名為酥炸墨魚咀，一層厚粉漿包裹無味道的墨魚咀。芥蘭炒牛肉，牛肉鬆滑但無肉味。全晚比較好的算是冰鎮醉鮑魚，不過都應該改名叫冰鎮鮑魚，因為一點酒香都找不到。雖然食品水準很一般，服務都算很好。食完之後，在北角匯走一走，開始心跳加速，口乾，頭痛。唉，又一間重手味精餐廳。

話說某一晚去北角滙食dinner, 順便行去碼頭走一走，發現原來有一間食酸菜魚的食肆，決定揾一日來一試。店子座位不算多，裝修亦很簡單，但頗有風味，老闆十分好客，店員服務亦佳，全程食得好開心。午市一人套餐共有4款，$62包飯/寬粉和飲品，十分抵食。另外還有招牌酸菜魚系列，經典下酒小食和30款碼頭小炒， 選擇甚豐。馳明碼頭酸菜魚$188~生魚片肉質嫩滑Q彈，湯底酸中帶微辣，亦有鮮甜味道。配料十分豐富，有紹菜，芽菜，金菇菜，木耳，辣椒和薯粉，酸酸辣辣十分開胃。椒鹽鮮魷魚$98~炸漿好薄好脆，炸到金黄鬆脆，鮮魷又新鮮又彈牙，配上炸蒜十分滋味。招牌黃金海中蝦$108~黄金蝦炸到好乾身好脆口，連殼都可以食埋，蝦的肉質爽彈又有蝦味，整隻蝦都鋪滿咸蛋黄，咸香惹味，好正!薑蔥炒豬潤$88~豬潤好厚身，經過多次出水，除了無腥味，還十分滑溜軟嫩，爽口彈牙，以薑葱炒非常香和有鑊氣。

今日考完試，見時間尚早，來到北角碼頭食個lunch輕鬆一下。揀咗呢間碼頭酸菜魚，餐廳有得揀坐室外同室內，今日天氣比較熱所以揀咗坐入面有冷氣地方。我哋一嚟到，D姐姐就好熱心咁招呼，一坐低仲俾埋杯熱水浸左筷子同匙羹🤩招呼好周到👍冰鎮醉鮑魚準備得十分細心、會幫我哋切開三份、方便我哋食同埋夾；椒鹽鮮魷好高質，炸得好酥脆、配埋啲辣粉同炸蒜好入味👍油浸花枝片配埋菜心同菇，一碟入面有好多蔬菜，可以中和返其他食物嘅味道。跟住就係重頭戲：碼頭辛辣水煮牛肉，配寬粉，份量好大碗好抵食，又多牛肉又多娃娃菜同芽菜👍會再幫襯🥰

有時行過北角匯都會見到北角碼頭有一間小店，今次終於約到兩個朋友一齊食晚飯餐廳環境一般，有分室外同室內座位，飲水杯係膠杯，簡單木枱同木椅。但景觀一流，係180度的大海景黃金濃湯魚($188) 二人份，包咗2碗白飯。黃金濃湯其實係南瓜，有微微的南瓜味，少辣，魚片起肉一般，無斜刀避開魚骨，所以大部分都有魚骨，但魚嘅肉質嫩滑，寬粉就較為厚身煙韌，如果可以煮耐少少會更好，其他配料仲有芽菜，黃芽白，金菇，木耳等辛辣安格斯牛小排(二人份)($228)都係包2碗白飯，落單嘅時候店員無問辣度，食落都幾辣，牛小排肉質好淋，其他配料就同黃金濃湯一樣蒜蓉粉絲蒸扇貝($25/隻), 蒜蓉調味恰到好處，但貝肉好細，只有$5錢硬幣左右冰鎮醉鮑魚($25)，反而呢個好有驚喜，鮑魚有一個大湯匙咁大，而且每個切開咗3片，方便入口，有淡淡的當歸杞子花雕酒味道，十分推薦

今日去北角滙買完嘢，打算和朋友在附近食完late lunch 才回家。行行吓發現北角碼頭有間食酸菜魚，就入去試試！碼頭酸菜魚，有室外和室內可以選擇....環境不錯👍🏻碼頭辛辣牛（一人份）跟寛粉，麻香很香麻味持久😋牛肉份量不少，配菜有鴨血，金菇，芽菜，雲耳和寬粉！碼頭酸菜魚，魚肉鮮嫩爽滑，而且每片也不薄，有咬感！調味適中不會太濃！薑蔥炒豬潤，鑊氣和份量十足，豬潤炒得剛剛到位，口感爽滑不會有粉的感覺👍🏻冰鎮醉鮑魚，鮑魚清理得乾乾淨淨，酒香濃夠入味，肉質爽滑彈牙，而且很貼心一開3方便食👍🏻

每次經過碼頭見到依間餐廳都好想試下，因為正正係碼頭旁邊，望住海景感覺非常寫意。餐廳有露天及室內座位，餐廳雖然不大但座位舒適闊落，枱與枱之間有空間感。午市套餐經濟實惠，套餐包括主菜、白飯或寛粉及餐飲只售$62。酸菜魚份量多，魚肉嫩滑無骨，味道微辣，配菜有大量酸菜及芽菜非常開胃。水煮牛同樣份量多，花椒味香，帶少許麻辣，牛肉肉質嫩滑，除咗主角牛肉，配菜都非常豐富有娃娃菜、芽菜及雲耳。鮮淮山炒三素材料新鮮配搭清新有淮山、雲耳、鮮冬菇、荷蘭豆，味道清甜。黃金磚豆腐外脆內軟，豆味重，非常香口。啫啫豬潤雞厚切豬潤火喉控制得剛剛好，內裡粉紅非常嫰滑味道惹味，雞肉炒得夠乾身。

由紅磡坐船去北角做嘢，見到碼頭附近有間餐廳，原來係主打酸菜魚嘅餐廳，午市套餐全部$62元，都幾抵食，做完嘢即刻返轉頭搵位，差唔多1:00，客人比較多，好彩都比我搵到個室內望維多利亞港嘅位置。佢哋仲有一啲室外嘅位可以食煙，照顧唔同人嘅需要。碼頭酸菜魚套餐，$62以為好細碗，原來都有一個大湯碗嘅份量，用料充足，辣度大約一個辣椒，魚肉滑嫩，我最鍾意佢哋有好多連魚皮嘅位置，因為比較肥美同魚皮亦有咬口，果然夠正宗。新派濃湯黃金魚，呢個湯底可以飲，係一個小辣嘅濃湯，魚嘅質素亦係10分高。芥末八爪魚$78，八爪魚好新鮮，有少少似日本刺身。糖心皮蛋伴橋頭，橋頭大粒，糖心皮蛋加少量辣椒碎，增加味道層次感。

今次約左朋友去北角行街，見天氣幾好行去碼頭睇下，見到有間「碼頭酸菜魚」，入去食個午餐。見午餐有一人「馳名碼頭酸菜魚」同「新派黃金濃湯魚」。馳名碼頭酸菜魚配寬粉連餐飲中午唔想食飯所以要寬粉，又可以吸哂d湯，酸菜魚上枱就知不妙🤣🤣一人份量原來甘多，材料都好多，有雲耳、金菇、旺菜，牙菜等等配菜，魚片新鮮滑嫩，冇骨啖啖肉，叫左小辣，所以唔太辣🤣岩哂我。新派黃金濃湯魚配寬粉連餐飲朋友想試黃金濃湯魚，一樣甘多料，同酸菜魚唔同既，湯濃郁而且比較辣，但我都食到。黃金海中蝦超級正，好有鑊氣，配蛋黃但不會死咸，好惹味！椒絲腐乳通菜惹味麻椒雞同樣叫左少辣，炒得有火喉，雞夠入味夠嫩而且有麻辣味道，帶點甜添

最近心情好似天氣一樣吾係咁晴朗🤥好想搵個海旁行下 散下心🥴雖然今日天陰多雲 但冇雨 總算清涼 舒服😊決定約個朋友食個午餐 順便傾下心事🤭朋友介紹北角果邊 有好野食 我緊係要相信個地膽啦😁 佢帶左我去北角碼頭 吹左一陣海風 個人即刻醒哂 仲吹到好肚餓添😅於是我地入左去一間叫《碼頭酸菜魚》嘅餐廳 位置就正正係北角渡輪碼頭旁😏望住靚海食午餐 心情都特別好🥰咁岩撞正午飯時間 店舖滿座 需要等位😬店員服務態度良好 好貼心咁問我地 想坐戶外還是室內☺️我怕吹亂個頭 緊係揀坐室內啦店舖格局不大也不小 座位寬敞舒適😉吾會迫迫夾夾👍朋友極力推介呢度嘅酸菜魚🤩頭先入座期間已經留意到其他食客都係食緊酸菜魚🤣心諗一定超正 先會枱枱都嗌呢樣🤓我二話不說 即刻下單😛然後加點左2客小食和2杯飲品🤤。馳名碼頭酸菜魚 🐟(兩人份量:HK$188)（四人份量:HK$288）個酸菜魚🐟少少辣 魚肉份量多口感柔滑嫩口  湯底酸味剛剛好 加埋寬粉吸埋個湯 好味道 個底既酸菜份量好足料 送飯一流👍。腰果扇貝酥🐚 (HK$98)我從來都未係餐牌上面見過扇貝酥 見佢寫住推介 所以忍唔住點左個黎試 炸香左既扇貝加埋脆脆腰果 好香口😋扇貝

難得這次外勤三人，便到北角碼頭那邊吃午餐。這間餐廳樓上有很多位置，但需事前預約，是日Walk-in只能坐露天的位置，剛巧今天不算炎熱，有微微海風倒寫意。午市套餐(一人用)新派黃金濃湯魚 - $62這款酸菜魚依然有泡辣椒、花椒和辣椒等滾湯，味道鮮甜帶點麻辣，不同的是沒有四川酸菜。魚肉片片不帶刺，嫩滑不易散。湯底特別加入粟米粒和紅蘿蔔粒呈金黃色，還有些木耳、芽菜、黃芽白等等。晶瑩剔透的寬粉充滿彈性，吸滿湯汁。辛辣安格斯牛小排 (兩人份量) - $208牛小排位置的肉質特別鮮美滑嫩、油花分布均勻；安格斯出品更是鮮嫩多汁，牛味濃郁。中間有幾塊豬紅，口感細膩嫩滑。同樣有寬粉於底部，還配兩碗白飯。冰鎮醉鮑魚 - $25/隻熟透的鮑魚已去除多餘的內臟，剩下肥厚冰凍的鮑身爽口不死實，肉質彈牙，散發陣陣花雕酒香。清炒時蔬 - $58新鮮炒起的芥蘭菜特別爽脆鮮嫩，吃起來不覺苦味。凍檸茶 +$2ZERO可樂 - $11

最近愛上咗食酸菜魚🐟經過碼頭留意到呢度原來有間食酸菜魚嘅餐廳🍴我哋叫咗一人一個魚🐟再叫咗啲小食同菜蒜泥辣牛肚 🐂未有主食就食住個小食先牛肚好爽口入味仲有花生🥜 配可樂啤酒都一流馳名碼頭酸菜魚🌶️ 配飯我鍾意食酸辣所以就叫咗呢款酸菜魚魚彈牙 配菜量都幾多有酸菜 椰菜 木耳等等健康蕃茄濃湯魚🍅朋友就叫咗個唔辣 再配寬粉呢個番茄濃湯配寬粉一流濃湯嘅味道已經溶入寬粉啖啖濃湯好甜 唔經唔覺飲咗半碗湯🤣蒜蓉蒸扇貝兩隻扇貝夠鮮甜呢個配白飯好好味個蒜蓉汁調配得好惹味配搭埋少少粉絲 正♥️薑蔥廣島蠔🦪海鮮控再點個廣島蠔大大隻好肥美 冇腥味仲好鮮甜蒜蓉炒芥蘭 🥬最後仲叫咗個菜平時就好鍾意煮芥蘭食好多人覺得芥蘭苦 我就覺得甜甜地夠鑊氣幾好味整體來講價錢都算幾抵食我特別鍾意番茄濃湯魚 小菜夠鑊氣 午飯時間都幾多人但係上菜都快坐室內望海景 室外都舒服幾chill

今天天氣很清爽及陽光普照，所以去一間之前經過，位於北角碼頭的「碼頭酸菜魚」。可以選擇露天或店內進餐。由於我是第一次來，所以選擇了招牌酸菜魚。午餐性價比高，$62，包白飯或寬粉、一杯飲品。不吃魚可選豬或牛，辣度也可選擇。我選了酸菜魚套餐及寬粉。酸菜魚寬粉共有12-13件魚塊，好滑。配菜亦有金菇、酸菜、芽菜、黃芽白和木耳。整體味道不錯，酸菜魚加埋配菜份量很足夠，性價比很高，值得推薦。唯一有少少不滿意地方是有兩至三塊魚有一條骨。