Hatsu Japanese Restaurant (已結業)

今日來到附近見客，原來而家金鐘廊比以前靚咗咁多！客戶嘅辦公室近住美國銀行大廈，於是lunch都直接落樓下食。見到有一間日本餐廳好似唔錯，就入去試吓。入到去好大，坐得好舒服。當時差不多兩點半，過咗午飯時間，環境增添一份寫意閒情。午餐有多款唔同嘅刺身日式便當選擇，樣樣都想食，好貪心嘅我當然選擇刺身定食。店員捧住一整份午餐，上到枱一大盤嘅刺身真係十分豐富。麵豉湯不過不失，不太咸。日式蒸蛋很滑，甜甜的但蛋味略嫌不太夠，冬菇很入味很甜。刺身有海膽、帶子、牡丹蝦、三文魚和吞拿魚，全部都切得厚厚的，口感十足而且好新鮮！海膽用上加拿大海膽，十分大而且很鮮甜很creamy!! 帶子同三文魚都很甜很嫩滑！牡丹蝦有一種彈牙感，好甜！唯獨吞拿魚不夠肥美，而且吞拿魚一向不是我杯茶，所以都給朋友吃 。最尾食埋一件雪糕糯米糍做甜品，就完成呢一餐豐富嘅午餐。雪糕糯米糍用了維記算係一個敗筆，好彩之前嘅刺身已經令我好滿足！