Hatsu Japanese Restaurant (已結業)

難得星期六，點知一早要去中環食嘢，真係灰爆。為咗平衡一下心理，於是約在附近返工的朋友，來一客大滿足的午飯。餐廳環境漂亮，大家可以休閒的hea下。蔥吞拿魚腩飯定食，我至愛的蔥吞拿魚腩，見到餐牌上有，就毫不猶豫的點下。單單賣相，口水已經開始流，而且定食還配上蒸蛋，更令我覺得大滿足。泡菜豚肉烏冬鍋定食，朋友就點了這個定食，因為見到佢有五件壽司。其實，我見到烏冬鍋，已經忍不住的偷吃了，因為加了泡菜，所以特別刺激好味。壽司用料新鮮，每片魚生也把飯團包住。

我們幫襯了這家 Hatsu 都有兩三年之久 , 對其食物的質素有信心 ~Lunch Menu ~我點了一客 lunch set 特盛鮪魚三色丼 $ 268  ( 包括 任食自助沙律吧、日式蒸蛋、味噌湯、熱咖啡或甜品 )沙律吧的食物是以蔬菜為主 , 當中亦有我超喜愛的罐頭雜果 , 還有店方自家特調的沙律醬 ~味噌湯 : 有濃香帶鮮甜的麵豉味 , 也略略喝得到有木魚的味道 ~日式蒸蛋 : 雞蛋尚算蒸得滑嫩 , 味道上也不單調 ~特盛鮪魚三色丼 :  鮪魚也就是吞拿魚 , 此丼賣相討好 , 三色吞拿魚是 赤身、中拖羅、 大拖羅 ; 赤身的肉質結實 , 魚味濃郁 ; 中拖羅的油脂和鮮味都非常均衡 , 有微微酸味 , 濃厚味鮮 ; 大拖羅的油脂豐腴甘香 , 肉質軟綿入口柔軟無渣 ; 米飯粒粒分明有煙靭口感 ; 吞拿魚跟米飯相輔相成 , 好丼也 ~最後 , 以一杯咖啡作終結 ~ 本篇完 ~

小弟未食過懷石料理, 女朋友話帶我去見識下世面,就帶左我去金鐘D間HATSU試下我地就叫左個龍蝦餐, 貪佢咩都有得食刺身是晚精選既刺身分別係油甘魚, 拖羅同埋帶子, 油甘魚魚味香濃, 帶子好鮮甜, 拖羅油脂味好香, 全部都好新鮮!前菜玉子燒+豆腐, 玉子燒好札實, 似似地係築地食過果個, 而豆腐都幾滑,加少少豉油都幾好味和風沙律D個柚子味好香, 用柚子味帶出清新口味, 做前菜岩晒蛤肉士瓶湯我起初以為係比茶我, 原來係湯黎, 好得意, 飲落幾清甜, 入面有唔少蛤肉同昆布, 幾多料壽司左口魚超甘香, 墨魚都幾新鮮, 最估唔到係有海膽, 而且仲有唔少海膽! 好鮮軟殼蟹天婦羅原來唔只軟殼蟹, 仲有唔少南瓜, 青椒等等, 本身我麻麻地軟殼蟹, 但佢D個整得幾香口, 我覺得好好食喎香草燒廣島蠔隻蠔燒完都幾大隻, 而且個汁又唔會蓋住蠔既鮮味, 香草更帶起左成個味道海膽燒龍蝦用海膽去提升龍蝦既鮮味, 而且用燒既方法去煮好香口, 而且龍蝦都幾多肉下, 好好味甜品最後有個雪糕作結尾原本我以為懷石料理一定唔飽, 打算去對面老M度食多個餐, 但原來食完D個餐已經好飽, 樣樣分量都有咁上下, D個價食到D咁既質

Happy Friday 食好D是常識吧!今晚同男朋友仔黎左間朋友介紹幾抵食既懷石懷理食全日返工都滿懷待既心位置係金鐘, 好方便我地兩個收工一支箭咁去前菜兩款分別係玉子燒同凍豆腐, D個有一硬一軟既組合, 玉子燒佢整得好實淨, 蛋味好濃, 幾好食, 凍豆腐就林林地, 幾有豆味胡蔴沙律D個份量都幾多下, 胡蔴沙律都係咁上下味刺身三款睇個色已經知對路, 夠新鮮, 中拖羅超正, 冇渣, 油甘香正到, 香港食到D個質素真係無敵, 而帶子超厚肉, 鮮甜, 仲有既油甘魚魚味重, 正到呢海鮮茶壺湯入面係用昆布加海鮮煮成, D個好有置身日本既感覺, 昆布+海鮮好甜, 冇味精, 好好飲黑松露銀雪魚南瓜好甜, 個銀雪魚嫩滑, 加埋黑松露提升左個鮮味, 個汁我當湯咁飲黑松露大虎蝦隻虎蝦真係好大隻, 好彈牙, 而且放D芝士同黑松露, 令隻蝦既蝦味更出黑松露茶碗蒸個蛋味好香, 蒸既時間岩岩好, 好嫩滑, 黑松露放埋落去令個蛋更香天婦羅淨係上茶個碟都已經值回票價啦, 全部天婦羅都即叫即炸, 好香口, 而我最LIKE軟殼蟹, 超好食刺身飯個刺身飲超刺身, 而且都係好新鮮, 而且有我之前食過最鐘意食既中拖羅, 個油甘

昨晚我同朋友去咗一間質素唔錯嘅Hatsu日本餐廳食飯。前菜有兩款，豆腐加明太子，豆腐非常嫩滑，調味可口，明太子都做得好出色，單單前菜都有咁嘅水準。煮物方面有茄子，茄子煮得非常林甜，醬汁調製得好惹味，非常有特色。一個和風沙律，新鮮爽脆， 新鮮蔬菜加配上自家特製嘅沙律醬，又清新又好滋味 。跟住再飲上呢個味噌湯，湯味濃郁，飲得出係用真材實料淆製出嚟，配合沙律一齊來吃，簡直係絕配，濃淡相宜。呢一個套餐係海鮮烏冬鍋加壽司定食，鍋裏面有炸三文魚，外脆內軟，鬆化嘅脆漿把三文魚緊緊包著，令三文魚嘅鮮味同肉汁不會流失， 口感豐富，美味非凡，新鮮大大隻青口，眼見到肉質都閃令令，夠肥美，食落更加鮮味無窮，呢個海鮮烏冬鍋湯底味濃甜，用多款海鮮嚟淆製嘅上湯，鮮味無窮，烏冬又夠爽滑，製作認真，仲有多款嘅壽司只係$310。佢另一款嘅純壽司定食都係$310，同樣有前菜豆腐加明太子，茄子，和風沙律同味噌湯。壽司份量件數比較多，海膽壽司，清甜軟滑，鮮味出眾，份量絕不欺場。三文魚肥大肉厚，油光閃閃，肉汁豐富，肉質柔軟嫩滑，配上日本珍珠米做嘅壽司一齊嚟吃，相得益彰。甜蝦鮮甜味無窮，肉質夠爽彈牙，大大隻嘅甜蝦令你好有滿足感。蟹

取消日本行程，心情失落，需要新鮮魚生丼治療抑鬱症。金鐘午市時間挺滿座，不過工作忙碌，兩點午市人潮散去，可以享受一個靜靜午餐。  位於金鐘美國銀行中心地下，落地玻璃，地方開揚，坐得舒服午市套餐由$150 - $380包括有飯、味憎湯、蒸蛋 套餐包括自助沙律沙律菜、蕃茄、青豆粟米、海帶 蒸蛋足料蒸蛋內藏雞肉、蟹柳、菇，除了蛋香還帶點鮮甜 特大赤海蝦 +$25手掌般長特大赤海蝦非常鮮甜 五重火山丼 $268帆立貝、三文魚子、蟹肉、吞拿魚碎、海膽非常鮮甜，以足日本食一樣！除左新鮮魚生，仲有醃菜、酸薑，一啖魚生飯，一啖醃菜，非常好配合！  帆立貝好厚肉鮮甜  甜品：雪糕糯米慈．Menu 

星期六, 無所適事, 朋友要返公司做嘢, 約好他待他放工後一起去吃個午餐, 一個人在金鐘廊行了好一陣, 差不多夠鐘就行咗過去近他公司的地方, 約了在他樓下一間日本食肆Hatsu食晏, 入到間食肆, 整潔光亮, 窗明幾淨, 俾人的感覺十分舒適, 連櫈都是梳發櫈, 座得都好舒服, 座在窗邊等人, 見到窗外樹木青蔥, 花葉搖曳, 真係好寫意. 無幾耐, 朋友來到, 大家分別點了自己想食的嘢, 座在那裡等食! 由於是星期六的原因, 這間餐廳不是太多客人, 據侍應講, 平日返工時間, 在這間餐廳食午餐是要等位的, 因為中午有沙律吧, 很多OL都非常鐘意食的,而星期六日的午餐都會有七折優惠, 真係好嗱, 今日我們的午餐有七折, 真是意料之外的惊喜. 我點的是滑蛋雞肉飯, 個餐上枱時, 有面豉湯, 有蒸蛋, 仲有4塊好肥美的魚生, 好豐富呀! D拖羅點上豉油及華沙比, 嘩! 好肥美, 好好食! 食完覺得齒夾留香, 而且胃口大開, 首先我就食咗蒸蛋先, D蛋蒸得好滑, 裡面仲有些香菇及蟹柳, 食落非常的鮮甜. 再飲的面豉湯, 非常香的黃豆醬香味, 仲有白白滑滑的豆腐粒及青綠色的海帶在湯中, 材

星期六上午處理了私務後，中午返咗公司.......明明星期六唔使開工，但因為有東西漏低了一定要回去拎番，所以星期六在金鐘出沒，過得海就順道在金鐘食個LUNCH吧。 平日返工無乜時間心情慢慢食慢慢嘆，既然週末難得在金鐘，就來一個週末閒情啦 !平日主要在統一中心/金鐘廊和PP出沒，今次就走到美國銀行中心吃日本野。在金鐘工作了三年多，都係第一次行到去美國銀行中心食晏，這家食肆是只得英文名Hatsu Japanese Restaurant ，其實遠看門面唔太留意是吃日本料理，要走到門前細看才知是日本餐廳。星期六既金鐘真係頗靜，被安排在窗邊一角，倒能感受到片刻寧靜，平日一至五真係無可能有依個FEEL !  餐廳裝潢沒有太多日式格調，有窗外光線感覺不錯。已經下午一時多，差不多接近午市尾聲，所以人流更少天氣實在太熱，未揭MENU心目中已大概知自己想吃什麼，目標很明確~ 刺身 !    週末閒情就叫個刺身定食慢慢嘆。SET LUNCH內除了刺身拼盆外，有蒸蛋、湯、白飯； 原來星期一至五(非公眾假期)，LUNCH有自助沙律BAR，由於星期六人流太少所以就無LU...見到這個刺身拼盤，未食已經好心情，本來

日本菜當中，懷石料理可能是花時間食得最耐最精緻的一餐，朋友推介這間好抵食的懷石料理，就襯放假跟男朋友去會一會佢！這間餐廳只開午飯及晚飯時間，而且星期日是例休日，因為餐廳位置於金鐘的商業大廈內，地點不在旺區，所以地鐵站步行過去都會花點點時間！餐廳主打傳統懷石料理，走HIP派路線，讓食客在型格時尚的氛圍下享受美食～店內環境整潔闊落，空間感十足～這裡雖然主打懷石料理，但也另備有多款的晚市定食，總有一款合你心意～而懷石料理套餐都有多款選擇，分別有龍蝦、黑松露及蟹等為主的，我們就被這個極上懷石蟹宴10道菜所吸引，宜家食仲有優惠折上折，兩個人都係HK$684，超級抵食！這個晚餐包了兩杯飲品，可選清酒／汽水，因為我地都唔想飲酒就點了汽水！前菜2款：先來前菜分別是冷盤，有鴨胸及蟹棒，再配了一點沙律菜，鴨胸肉質鮮嫩易入口，而蟹棒有一層薄薄的白蘿蔔包裹著，沾上特別的醬汁味道不錯！刺身3款：再來刺身有3款，分別是吞拿魚、油甘魚及甜蝦～刺身上碟賣上都十分用心精緻，而且刺身十分新鮮，沒有雪味，刺身也切得特別厚身，口感十足！蟹籽沙律：這款蟹籽沙律以沙律菜、青瓜絲及蟹籽拌上微酸的沙律汁，口感豐富之餘，瓜菜都特別新鮮

因為工作緣故來到平時比較少去的金鐘，估唔到金鐘這個商業的地區都有幾出色嘅日本菜，在網上見到好多人都幫襯小店的懷石料理，今次在下午工作後去到就只有定食，所以和妹妹點了兩份套餐。定食送蒸蛋，蒸得都幾滑！好高質，淨係蒸蛋都做得咁出色，主食當然唔會令人失望。海膽三文魚子飯、刺身、蔥吞拿魚腩飯定食 ($235)好似去左日本高級的懷石料理咁！擺得好靚，好吸晴！海膽在呼喚著我！仲有櫻花魷魚，好正！刺身是厚切的，有三文魚、油甘魚。另外三文魚子海膽飯的海膽也好分鮮甜！淨係睇擺設，已經好似去咗高級日本菜餐廳咁。如果擔心兩碗細細碗壽司飯唔夠飽的話，跟餐還有蕎麥面一小碗，給你暖下胃，份量也很飽肚。而我就點了天婦羅烏冬定食！定食有幾件壽司，雜錦天婦羅和烏冬，份量都好足夠。同樣地，正式還會附送蒸蛋，一如以往，好香滑。天婦羅都有番薯、天婦羅蝦、茄子，除將厚薄平均，可是不是太夠熱，有點失色。而清湯烏冬好滑溜，烏冬呈現扁身的狀態，都幾特別！而且入邊好多了，小棠菜吸滿湯汁， 食落感覺健康。好滿意呢一餐日本嘢，無論餐廳的裝修，還是食品的質素都好有保證，最啱相機食先！不過始終喺金鐘這個商業地區，定價始終會比一般日本菜高。週末

一提起食日本菜，多數都係諗起去旺角銅鑼灣食放題，好彩今次多得朋友帶我黎呢間Hatsu食懷石料理，令我對日本料理又多一種唔同嘅體驗。 由於對懷石料理冇咩認識，我地聽咗侍應嘅建議叫咗個二人套餐。就好快上咗前菜，其中一款係將飛魚子方塊，再配上沙律醬，甜中帶鮮再配合飛魚子嘅口感，非常特別！ 除咗叫個二人套餐，我地兩個鰻魚迷仲另外叫一份鰻魚滿足我地個胃。呢份鰻魚有油脂香，醬汁比例又啱啱好唔會蓋過鰻魚味，雞脾菇又吸收咗鰻魚汗嗁味道，超好食。 食日本野又點可以冇魚生呢？雖然跟套餐款式唔算多，但勝在非常新鮮，比平時嘅放題質素好好多。小小地，夠曬數。 中間仲送上咗日式沙律同埋一啲燒物，例如燒蠔，焗帶子，份量唔多用款式搭夠，最啱眼闊肚窄嘅人。但不可不提就係燒龍蝦。燒龍蝦上嘅醬汗咸中帶啲鮮，配合鮮甜嘅龍蝦肉簡直天衣無縫，冇得輸。而且呢隻龍蝦啖啖肉，最啱我呢啲食肉獸。 Hatsu 個位置未算好方便，係金鐘站出都要行幾分鐘先去到。但呢個價錢食到質素唔差嘅懷石料理，仲要坐得舒服同到朋友傾到計，都真係冇投訴。

今日咁啱過金鐘做野，所以晏晝就約媽媽喺嗰頭歎返個日式午餐！喺美國銀行中心嘅Hatsu環境都幾好幾舒服，又有好多款定食可以揀！我食火炙平目裙邊丼，有成十幾塊平目裙邊，每一塊都好肥美，師傅輕輕用火燒一燒個面，啲油就咇曬出黎，真係好正！平時已經好鐘意食平目裙邊壽司，估唔到有成碗平目裙邊丼，簡直係我至愛呀！我仲用25蚊加左隻特大赤海蝦刺身，非常大隻，差唔多有筷子咁長，仲好新鮮！媽媽就食燒鯖魚天婦羅定食，我偷左佢少少野黎試下，鯖魚都燒得啱啱好，而天婦羅都幾多，有兩隻蝦同啲蔬菜，個天婦羅漿唔太厚又脆，算係唔錯呀！另外每個餐都有跟味噌湯同蒸蛋，最後又可以揀咖啡或者雪米糍。提一提，仲有任食自助沙律吧，不過個餐實在太豐富喇，我地冇再食沙律喇！雖然話百幾蚊一個定食，但有咁好嘅質素同咁多野食，其實係抵食嘅！

好一個風和日麗的星期六，約了一班舊同學聚聚，因為有朋友要OT，所以地點選擇了金鐘…而朋友介紹了一間日本餐廳，可以坐得舒適，又有比較清靜的環境，讓我們幾十年的老友休休閒閒的話當年。牛肉生姜燒定食，上枱擺盆有氣勢，有主菜、飯、面鼓湯和蒸蛋。牛肉生姜煮得不錯，每塊牛肉也帶點姜味，加上洋蔥配搭，味道正。滑蛋豬扒定食，這裡的午餐擺盆，氣勢足，夠臺型，滑蛋豬排更用砂鍋盆上，見到都開始食指大動。豬排外皮炸得微脆，而且用料好。

約了友人在他公司樓下吃午飯，周圍一帶不是連鎖食肆就是快餐店，想找間坐得舒服安靜的，所以就決定到這間日式餐廳吧。聽友人說，餐廳新開沒多久，雖然較為貴價, 但環境及食物質素看似不錯，午市時間也挺滿座的。 午市有不同的套餐，有各款的魚生飯及炸物定食選擇。選擇午市套餐，包日式茶蒸蛋、麵豉湯、餐飲及甜品，另外還可以到外面的任食沙律吧自選沙律，有各種沙律菜、車厘茄，青豆粟米粒、海帶、罐頭雜果等，選擇尚算多。等主菜來到之前，吃了一大碗沙律，主菜分別點了午市套餐的特盛三色海膽丼及餐牌上的滑蛋煮鰻魚定食。原本想叫五重火山丼及特盛鮪魚三色丼，但可能我們兩時多左右才入座，這兩個首選經已沒有了，最後順理成章記就叫了這個特盛三色海膽丼，顧名思義，三款來自不同產地的海膽，滿滿澎湃的海膽，橙色有深有淺，海膽味道有濃有淡，但均很鮮甜，沒有任何腥味，完全滿足我這海膽控的慾望，拌著日式醋米飯，十分滋味，很奢華的享受！另外滑蛋煮鰻魚飯則是餐牌上的選擇，我和友人均十分喜歡鰻魚，所以在餐牌上選了這個。鰻魚加入鰻魚醬鮮甜，雞蛋滑溜，入面還拌入什菌，洋蔥等配菜，更添口感，配飯一併吃經已停不了。不過可能醬油落得有點重手，蛋又易吸味，

近半年都少左踏足港島區 金鐘更係少有係到開餐好彩黑洞身邊都有吾少黑洞carry我我又有機會食好西喇今日午餐係我愛既日本菜yeah閒日午市丼飯仲有7折 好抵食餐廳內內外外都散發日式風情 連餐具都好有feel就算吾係丼飯 Menu上選擇都好多有我超中意但平時又少有機會食到既蔥吞拿魚飯吾使諗即刻揀我真係要大讚佢蔥吞拿魚既份量 大大pat真材實料絕對可以一啖飯一啖吞拿魚咁夾住食壽司飯既酸度適中 我好中意食壽司飯 好開胃跟餐仲有個日式蒸滑蛋 入面有雞肉滑蛋滑dodo 真係吾覺吾覺就食完朋友仔叫左個鰻魚定食 都係賣飛佛梗係要痴幾啖黎食下喇打開盒有2條鰻魚 鰻魚汁好惹味咬落啖啖肉 飯量仲要勁多 黑洞都認證佢絕對夠飽跟餐仲有個日式鳥冬 我覺得一般女仔會食吾晒呢餐日本菜吾可以話平 但真係一分錢一分貨食物質素高 而且款式多平日番工咁chur weekend豪d食一餐都應該既喇