花月庭 (已結業)

其實都好耐冇嚟帝京酒店食自助餐，印象中花月庭自助餐係唔錯！今日過咗嚟食，喺門口等候時間唔係耐，酒店服務員態度非常好👍🏻安排咗座位之後，我就首先食咗我鍾意嘅生蠔，生蠔有少少鹹味，感覺好新鮮！三文魚刺身就一般，反而青口好彈口！水煮牛肉不過不失🤣咖喱真係幾好味值得一試👍🏻牛扒就有啲韌，味道有冇乜特別😝不過我會推介你哋食豬腳薑，嗰啖薑醋真係好正😋甜品種類都好多嘅，因為太多選擇，我揀咗幾樣我自己鍾意食嘅甜品，芝士餅一般都會好食嘅，我反而覺得雞蛋仔同葡撻有驚喜！又係值得一試😋😋我幾鍾意佢有啲夾糖嘅小玩意，因為細路仔實鍾意，好適合一家大細食嘅自助餐！飲品方面：任飲越凍咖啡，奶茶及檸檬茶、檸檬水