影片
更多
2013-08-22
874 瀏覽
老牌雞飯店執得一間又一間, 葵芳的奇香雞在無聲無息地消失了, 想食靚雞, 暫時我只知道鰂魚涌那間津津, 不過要過海就比較麻煩, 一來車費貴嘛~~荃灣這間東江大飯店據聞其鹽焗雞好出名, 既然午市做到下午四時半, 時間剛好可以遷就熊爸放工來試一試。密密麻麻的菜單, 唔知老人家夠唔夠眼力去睇!? 不過, 我見絕大部分的客人都是與侍應生熟稔, 因為當他們一坐下, 侍應生就會懂得他們是要叫什麼午餐。午市送例湯, 今天是青紅蘿蔔煲雞腳, 味道比較淡, 真係可以叫做例「水」。涼瓜班腩飯 $39 ... 原來不是碟頭飯, 是小菜套餐。 涼瓜味道甘甘地, 連我怕食苦瓜都接受得來, 班腩一碟有十多粒, 先炸起班腩再落苦瓜及豆豉去炒, 埋粟粉獻再上碟；班腩已經不脆, 腍了, 食落覺得軟粑粑的一團粉去把魚肉包裹住, 魚肉的肉質普通, 應該用了青衣魚柳；粟粉獻隨著餸菜放涼而轉稀, 半杰半稀的狀態是我未能接受的；豆豉事先沒有處理過, 原粒與苦瓜及班腩去炒, 未能盡情釋放豆豉鹹香味。鹽焗雞飯 $39 ... 一碟雞有肶肉、背肉、胸肉 及 近屁股附近的肉, 究竟廚師是如何分配??很久也沒有吃過黃油大肥雞, 皮厚爽
荃灣這間東江大飯店據聞其鹽焗雞好出名, 既然午市做到下午四時半, 時間剛好可以遷就熊爸放工來試一試。
密密麻麻的菜單, 唔知老人家夠唔夠眼力去睇!? 不過, 我見絕大部分的客人都是與侍應生熟稔, 因為當他們一坐下, 侍應生就會懂得他們是要叫什麼午餐。
午市送例湯, 今天是青紅蘿蔔煲雞腳, 味道比較淡, 真係可以叫做例「水」。
涼瓜班腩飯 $39 ... 原來不是碟頭飯, 是小菜套餐。
涼瓜味道甘甘地, 連我怕食苦瓜都接受得來, 班腩一碟有十多粒, 先炸起班腩再落苦瓜及豆豉去炒, 埋粟粉獻再上碟；班腩已經不脆, 腍了, 食落覺得軟粑粑的一團粉去把魚肉包裹住, 魚肉的肉質普通, 應該用了青衣魚柳；粟粉獻隨著餸菜放涼而轉稀, 半杰半稀的狀態是我未能接受的；豆豉事先沒有處理過, 原粒與苦瓜及班腩去炒, 未能盡情釋放豆豉鹹香味。
鹽焗雞飯 $39 ... 一碟雞有肶肉、背肉、胸肉 及 近屁股附近的肉, 究竟廚師是如何分配??
很久也沒有吃過黃油大肥雞, 皮厚爽口, 雞肉就黏牙縫, 然而鹽焗的部分也不夠平均, 以致一部分是重鹽味而另一部分卻是味道比較清宜。
題外話/補充資料：
下次有機會要來試試豬雜飯, 坊間少有得食。
(以上食評乃用戶個人意見 , 並不代表OpenRice之觀點。)
張貼
