惠 (已結業)

早幾日朋友介紹咗我去呢一間喺灣仔嘅惠食omakase！整體來講，呢間餐廳嘅性價比好高！價錢亦都係非常合理，一個午市嘅套餐每人都係四百幾蚊！算係非常之抵食👍🏻一入座嘅時候，呢度嘅師傅真係談笑風生！同我哋有傾有講，令到成個用餐體驗都係非常良好👍🏻另外，由於係omakase嘅關係，所以全部食材我哋都係等師傅挑選當日新鮮嘅食材去決定！然後最令我有驚喜同埋喜出望外嘅莫過於係見到呢一件大拖羅壽司！呢一件大拖羅壽司真係我諗都冇諗過可以係lunch time嘅時候食到！仲要係用呢個價錢就可以！呢個大拖羅真係入口即溶嘅感覺，拖羅嘅油脂味道喺口腔度徘徊咗好耐！