牛舞日本燒肉‧涮涮鍋放題 (1亞太中心) (已結業)

今日中午行過OPC又諗起上次食過返尋味嘅牛舞，於是想去試吓佢個午餐得唔得，點知非常失望。剛剛12點已見到樓下有條人龍，呢座大廈啲食肆越來越多人幫襯，我試過1:00過嚟要排差不多10分鐘才可以入到電梯。言歸正傳，我哋一行二人叫了兩個午餐，包括和風牛肉飯 & 照燒雞扒飯，前者賣相一般，食落牛肉非常乾身而且冇咩牛味應該唔係好新鮮，後者反而燒得幾乾身而且雞扒都好入味，但係雞扒份量非常少。之後再食出邊啲沙律同埋飲咗個蕃茄薯仔湯都係正常，但係啲炸嘢做得好差，可能擺得耐一啲都唔脆而且有啲實，個炆冬菇超級辣，我老婆食辣都算厲害佢都頂唔住，太辣啦！之後唯有食返幾條日本雪條同埋生果補返數😂