英記火鍋海鮮酒家 (已結業)

好多人唔知西營盤英記除左出名打邊爐外， 飲茶 點心都好得。呢度分兩層，一樓主要搭台，二樓 有2間房，約共6張枱，需訂台。請注意 : 一樓比較嘈及冇咁乾淨。這裏大多是服務多年及已上左年紀的待應，眼見他們常跟客人寒暄，估計多為熟客。本人較欣賞他們會不停斟水給客人， 不會視而不見。 另外，除了寫紙叫點心外，偶爾， 侍應會捧著特別的食物款式推介給客人。 有驚喜！食物方便 ;蝦子柚皮……罕有！！！無得頂、柚皮入味，不會過淋或太硬。賽旁蟹餃……又係外邊極小有， 熱辣辣， 皮薄餡靚，頂瓜瓜！北菇棉花雞……冇乜特別，可以不試。蠔仔湯飯……湯多以為小料，實屬錯覺，超野味。蓮藕炆火腩……細細碟， 蓮藕爽爽非常入味。因不是太大碟，可以多叫其他款式。