翠林辣蟹舫

想食辣蟹第一時間諗到呢度 嚟過幾次食物質素高之餘 老闆同員工都非常友善最鍾意有卡座 兩個人嚟食一路食一路望街景好寫意咁啱今次嚟 餐廳仲做緊五折添 即刻豪起嚟！❣️避風塘炒蟹一上枱先俾賣相吸引 有個非常架勢嘅紅色盤隻蟹企響度放得好工整 絕對係用嚟比眼球同相機食先再者蒜味香噴噴 未食都已經流晒口水 蟹非常大隻，肉質彈牙，係新鮮先有呢個口感避風塘香料爆得非常香脆 蟹肉入味可以用來撈兩碗白飯❣️撈汁秋葵本身以為係冷盤 點知原來唔係醬汁帶少少豉油香 秋葵爽脆 就算唔喜歡食秋葵嘅人 都好易入口 ❣️椒麻牛肋條外層裹上薄薄嘅粉 輕輕炸過 有香脆嘅口感事前應該已把牛肋條炆過 牛肉咬落軟腍juicy筋位部份呈jelly狀 食落好QQ一整條骨咁上碟好有氣勢 椒麻味淡淡咁出場 係老少咸宜嘅菜式❣️酸菜大斑魚用大斑魚製作酸菜魚咁珍貴真係第一次魚肉緊緻有彈性 魚皮好厚 仲有層魚油 充滿骨膠原酸菜味道唔算好重 唔會搶咗魚嘅風頭