影片
更多
2023-07-18
623 瀏覽
因為見Storellet積分apps有買一送一嘅優惠(至7月31號)，每人$174加一，所以就去大角咀分店試下呢間火鍋。但個人認為整體質素偏差😥💪🏻 酸菜白肉鍋無咩味，非常淡，連酸菜味都冇咩，只係得微微酸味，所以食肉類、蔬菜、其他配料時都係冇咩味。火鍋嘅豉油都係偏淡😕💪🏻 美國雪花肥牛、牛板腱、豬肉、羊肉牛肉同豬肉外觀上，無論顏色同油脂分佈都算正常，但食落口無咩牛味/豬味，肉嘅味道都唔多😰，係叫咗2輪之後嘅牛肉先有少少牛肉味。肉質唔算淋，亦唔算鞋口，正常。羊肉就正常有羊嘅羶味。但本身湯底都冇味，所以食落係成間好淡味嘅火鍋。💪🏻 海鮮反而海鮮質素唔錯，海蝦大大雙，十分新鮮，顏色鮮艷，而且食落蝦肉彈牙！蜆同魚肉都正常發揮，唔係霉海鮮。💪🏻 台式小食、台式丸類、甜品台式食物相對選擇較多，有大量炸物、丸類、蛋餃、鴨血等，有台式風味，味道正常發揮！ 而且甜品都有芋圓、仙草等台灣甜品。最令人驚喜係有haagendazs(曲奇味)同movenpick(雲尼拿、朱古力)雪糕任食😍 全場最好食同最高性價比應該就係雪糕了🤣 餐廳嘅餐具都唔太乾淨，好多污漬。但上菜速度算幾快！坦白講，如果係正價食呢間餐廳，呢
因為見Storellet積分apps有買一送一嘅優惠(至7月31號)，每人$174加一，所以就去大角咀分店試下呢間火鍋。但個人認為整體質素偏差😥
💪🏻 酸菜白肉鍋
無咩味，非常淡，連酸菜味都冇咩，只係得微微酸味，所以食肉類、蔬菜、其他配料時都係冇咩味。火鍋嘅豉油都係偏淡😕
💪🏻 美國雪花肥牛、牛板腱、豬肉、羊肉
牛肉同豬肉外觀上，無論顏色同油脂分佈都算正常，但食落口無咩牛味/豬味，肉嘅味道都唔多😰，係叫咗2輪之後嘅牛肉先有少少牛肉味。肉質唔算淋，亦唔算鞋口，正常。羊肉就正常有羊嘅羶味。但本身湯底都冇味，所以食落係成間好淡味嘅火鍋。
💪🏻 海鮮
反而海鮮質素唔錯，海蝦大大雙，十分新鮮，顏色鮮艷，而且食落蝦肉彈牙！蜆同魚肉都正常發揮，唔係霉海鮮。
💪🏻 台式小食、台式丸類、甜品
台式食物相對選擇較多，有大量炸物、丸類、蛋餃、鴨血等，有台式風味，味道正常發揮！ 而且甜品都有芋圓、仙草等台灣甜品。
最令人驚喜係有haagendazs(曲奇味)同movenpick(雲尼拿、朱古力)雪糕任食😍 全場最好食同最高性價比應該就係雪糕了🤣
餐廳嘅餐具都唔太乾淨，好多污漬。但上菜速度算幾快！坦白講，如果係正價食呢間餐廳，呢個質素，我應該會食到好嬲🤣🤣
味道：4/10
性價比：8/10
食住瘦指數：💪🏻💪🏻💪🏻💪🏻💪🏻/5 （Gym friendly)
（因為任食火鍋有好多健康/高蛋白質/低卡嘅選擇）
張貼