影片
更多
2015-08-30
421 瀏覽
今日同男人試呢間「企響道食」既牛扒店，聽聞係老細見到日本好興而香港又未有所以響香港開番間，雖然話係企響道，但香港人可能唔會習慣，所以老細都有加番高椅比香港客人，好細心，就算我係哈比人都唔覺得因為太高唔舒服。入到去可能果刻仲早，6點幾唔算多人（開始叫後面一堆堆入，每堆4-5人，好彩），一入去就見到廚房，就行去cashier,原來有step架：Step 1）先去廚房同師傅講要咩種類牛肉，今日去0.7/g 既澳洲牛仲做緊半價，即係0.3/g ja,唔係唔試嘛（起碼唔好食都唔會呻笨豬），最少200g起，師傅問我要幾多果時真係冇乜概念幾多gram有幾大舊，200g又好似太少（果時餓到癲）所以試下300g先，師傅手起刀落，原來都大舊（女仔黎講），我諗住切左冇所謂啦，反正男人實幫我清（但記得食得晒先好嗌），之後到佢叫，佢話：500g丫😱我呆左...叫完師傅會比張sticker你有晒幾gram同價錢...Step 2) 去cashier比錢，之後就會比2個牌牌你，原本男人500g要成3百幾蚊，半價左加埋$39紅酒只係$232 又ok wo👍3）自己搵位等食，行入去好似好細（原來仲有上層，我地揀左下層最
入到去可能果刻仲早，6點幾唔算多人（開始叫後面一堆堆入，每堆4-5人，好彩），一入去就見到廚房，就行去cashier,原來有step架：
Step 1）先去廚房同師傅講要咩種類牛肉，今日去0.7/g 既澳洲牛仲做緊半價，即係0.3/g ja,唔係唔試嘛（起碼唔好食都唔會呻笨豬），最少200g起，師傅問我要幾多果時真係冇乜概念幾多gram有幾大舊，200g又好似太少（果時餓到癲）所以試下300g先，師傅手起刀落，原來都大舊（女仔黎講），我諗住切左冇所謂啦，反正男人實幫我清（但記得食得晒先好嗌），之後到佢叫，佢話：500g丫😱我呆左...叫完師傅會比張sticker你有晒幾gram同價錢...
Step 2) 去cashier比錢，之後就會比2個牌牌你，原本男人500g要成3百幾蚊，半價左加埋$39紅酒只係$232 又ok wo👍
3）自己搵位等食，行入去好似好細（原來仲有上層，我地揀左下層最埋坐，環境好黑暗呀😱
由於真係好黑，以下落黎既相會比較黑😅
等左冇5分鐘就上菜勒👏👏
我既3成熟300幾gram牛- 正常size,頭先揀完師傅會切細舊上，不過配菜好少，又唔係咩靚洋蔥，個鐵板好熱要小心，如果多少少配菜舊牛就唔會熟咁快啦...
第一張相係岩岩上，第二張係即時切開（冇乜可能3成，冇乜血）第三張係食到最後一塊已經開始硬硬地，所以加多少少洋蔥響底咪會減慢少少塊扒咁熟囉。
講番味道，好有牛味，比出面中價扒房仲好食，不過呢道唔就腳（響九記行前d) 黎開都可以再翻炒。
男人果份（sorry影到咁😱）佢果份500幾gram既成鐵板都係，佢叫左4成，但佢仲生過我果塊，咩事😡佢都話好好味，男仔食500g應該差唔多（都可能因為佢係宇宙黑洞既關係）。
牛上左菜都唔見紅酒，要問waiter先去拎😒本身睇上一個openrice comment話可樂係迷你版先叫紅酒（本身實在唔好）點知見到隔離係正常版，激死，可能改左，紅酒本身唔多識，呢個算易入口，可以試下。
講番服務，門口收銀同廚房師傅都好有禮貌，入到去果一男一女真係差左，女果個黑口黑面，圍裙唔係自己見到都唔知又唔介紹唔講，去左老麥咁自己搵位坐；男果個問佢上面d醬係點佢好求其講晒每樣個名就走左，我實識d醬點落點用？都廢事再問，自己全部試，我同男人都推薦柚子醬，好香好清新，未試過配牛扒食，好正。
同埋一樣就係張台好油淋淋咁😰我要自己用濕紙巾抹下先得，希望改善下。
張貼
