影片
更多
2024-08-08
1001 瀏覽
間中都有人post呢間omakase，feedback都好好，一於就去咗食！今次就揀咗「瀧」呢個set!一開頭三款一品料理已經好驚喜！1. 北海道瀨尿蝦刺身 來自北海道嘅瀨尿蝦新鮮得嚟，仲要當造所以好多膏，蝦肉彈牙，而汁料食落好特別，師傅話呢隻汁都調咗成個禮拜，只係第一道菜，就已經感受到佢哋幾有誠意。2. 牡丹蝦龍蝦湯’奶凍’這個組合真係創意十足，而且好有驚喜！魚子醬同牡丹蝦嘅豪華口感，配上蕃茄啫喱嘅清新同龍蝦湯’奶凍’嘅細滑，好有層次！3. 北寄貝（熱食） 熱辣辣嘅北寄貝，外層烤得微焦香脆，內裡保持鮮嫩，呢個熱食真係提升咗整體體驗。跟住就係壽司，每一件都好特別，好有鋪排，展示咗師傅嘅心思同對食材嘅新鮮、當造期嘅要求。1. 伊左木2. 池魚3.石門貝：石門貝肉質鮮甜，質感爽口，重點係好新鮮，上枱嘅時候仲識郁。4.黑鱸魚平貝加烏魚子：黑鱸魚平貝的肉質鮮美，加上烏魚子的鹹香，口感層次豐富。5.鯖魚：鯖魚當造，食落非常肥美，油脂感好重，所以配搭漬物，食落冇咁膩。6.石池魚7.縞蝦：又係一種出邊比較少食到嘅蝦，食落鮮甜，質感彈牙8.超拖羅：一啖就已經食到，赤身同中湯嘅口感9.馬糞海膽: 海膽
一開頭三款一品料理已經好驚喜！
1. 北海道瀨尿蝦刺身
來自北海道嘅瀨尿蝦新鮮得嚟，仲要當造所以好多膏，蝦肉彈牙，而汁料食落好特別，師傅話呢隻汁都調咗成個禮拜，只係第一道菜，就已經感受到佢哋幾有誠意。
2. 牡丹蝦龍蝦湯’奶凍’
這個組合真係創意十足，而且好有驚喜！魚子醬同牡丹蝦嘅豪華口感，配上蕃茄啫喱嘅清新同龍蝦湯’奶凍’嘅細滑，好有層次！
3. 北寄貝（熱食）
熱辣辣嘅北寄貝，外層烤得微焦香脆，內裡保持鮮嫩，呢個熱食真係提升咗整體體驗。
跟住就係壽司，每一件都好特別，好有鋪排，展示咗師傅嘅心思同對食材嘅新鮮、當造期嘅要求。
1. 伊左木
2. 池魚
3.石門貝：石門貝肉質鮮甜，質感爽口，重點係好新鮮，上枱嘅時候仲識郁。
4.黑鱸魚平貝加烏魚子：黑鱸魚平貝的肉質鮮美，加上烏魚子的鹹香，口感層次豐富。
5.鯖魚：鯖魚當造，食落非常肥美，油脂感好重，所以配搭漬物，食落冇咁膩。
6.石池魚
7.縞蝦：又係一種出邊比較少食到嘅蝦，食落鮮甜，質感彈牙
8.超拖羅：一啖就已經食到，赤身同中湯嘅口感
9.馬糞海膽: 海膽份量十足，口感奶滑，味道鮮甜，用嚟收尾真係100分！
最後就係甜品，非常豐富！職員話呢度嘅甜品都係主菜！每款都精緻到唔捨得食，由傳統日式甜品到創新口味，每一款都係驚喜。
總結
今次Omakase體驗係好難忘，每道料理都體現咗極致嘅日本料理精神同匠心！
張貼
