鐵牛台灣牛肉麵 (旺角中心第一座) (已結業)

今日同屋企人行完旺角，行得太晏無煮飯，就係附近搵食喇。係毫無頭緒之下，經過旺中見到好大個鐵牛既招牌，第一眼以為係食日本野，望真啲見到下面有細字仔寫住「台灣牛肉麵」，我地就去左試喇。門口有侍應問我地幾位然後帶我地入去坐低，餐廳係半自助形式，店員叫你先揀好食物然後去返門口附近既收銀比錢，之後會有店員送上食物。第一個到既餐係呢個養生素食便當配黃金地瓜飯，呢個無加配飲品。初初以為半自助形式要自己拎餐具，點知原來有埋餐具。黃金地瓜飯煮得太腍，加上有地瓜碎，成個感覺食落好一pat野。碟菜煮得幾好，新鮮又唔油。上面三小碟有滷蛋半隻加菜圃，山根，茄子。呢三碟都好好味，尤其是茄子，唔會煮到好腍，個味道都好好，好似係茄汁味。紅燒牛筋腩麵加$16要左杯凍香芋珍珠奶茶，成個餐就$74。都係先試個湯先，好鹹，個係好香牛肉味。牛筋比牛腩好食，牛筋好腍，牛腩就有啲腍有啲韌。個麵份量好多，又唔會煮得太腍。凍香芋珍珠奶茶好好飲，珍珠好有咬感，唔會好硬。香芋同奶茶既份量控制得好好，飲落好清香。呢個好推介！好好味，個湯同啲麵同之前嗰碗一樣comment，不過呢個牛超正！每舊牛肉都有啲筋，每一舊食落都好腍，諗起都好回味。另外