牛極 (庇利金街) (已結業)

今日早收工又唔想咁早返屋企，就自己一個行下街，行到累累地就去到呢間餐廳，因為太累，好快就坐底左。首先我點左個牛柳石鍋，上碟個時係一成熟，可自行用個石鍋既熱力整到幾成熟都得，完全由自己話是，肉汁非常鮮嫩，而且好新鮮。又唔會好油膩，好岩女士們食。我自己最鐘意係七成熟，個肉係最好味。桌上重有三支調味料，有鹽，辣椒粉，黑胡椒，可以自行加料。再點咪啲醬汁食非常野味。係可以自行調教醬汁。想點混就點混。另外重有自助bar，有沙律，湯同咪白飯。我覺得個沙律好新鮮，加咪啲dressing食，非常美味。我個人就最鐘意個紅蘿蔔牛肉湯，材料非常之多，啲牛肉入口即溶，真係好好味，我忍唔住都飲左兩大碗，係完全自助想飲幾多就飲幾多。個白飯都係任裝，旁邊有啲紫菜粉，放係面道都好有口感。