Marbling (Fashion Walk) (已結業)

沙律吧一向係主菜，哈。三文魚都有2款，食返幾件都飽。仲有薯仔沙律，沙律菜....款式不少而水準不錯。個紅菜頭好夠味，鮮甜酸，脆口。有仲有個蝦沙律，夾返5，6隻蝦食下，又抵返，個蝦都幾大隻，脆身而鮮甜。個南瓜湯ok嘅，都濃味嘅，不過我應該落少少咁多鹽，應該會更甜。個豬好嫩，好嫩，因為慢煮，果然唔同D，食落滑嫩，有豬味，咁厚要平均熟而唔韌，慢煮先做到。甜品又係一絕，款款都好味，唔會過甜，最特別有麵包布甸，我對面個人一黎就食左大大舊了。仲大 啫哩糖，同埋坐坐下， 會出奶凍等甜品，個人覺得，其實齋食沙律吧都已經好夠飽。連生果都唔係好食得落了。