二世祖

營業中

休息中

小店由三位年輕大廚主理，提供多款Fusion西式料理，最近更加入唔少新菜式，希望帶俾客人新創意。晚上時段由六點開始，未開門已經有人龍，加上店內環境唔大，想食嘅建議要提早預約啦，另外服務態度友善，依家出面好難遇到啦。前菜有香草檸檬牛油冷伴海鮮生菜包，以牛油混合多款新鮮海鮮，蝦大粒爽口、貝殼類鮮甜入味，用生菜包住食都幾夾。主食有美國安格斯西冷，12oz，肉質嫩滑多汁，旁邊仲有烤蔬菜，感覺更加健康。值得一讚係個荷蘭青醬汁，自家調配，點埋更加開胃。另外有自家秘製花雕醉雞天使麵，呢款幾有驚喜，花雕醉雞有成七件，超嫩超入味，麵條軟硬度適中，吸滿湯汁，淡淡酒香氣，唔飲酒嘅都接收到。甜點有小三元抹茶心太軟配玄米茶味雪糕，外層微微脆，會爆漿，抹茶味香濃，冰火交替，滿足呀！飲品有水蜜桃果粒茶同洛神花柚子烏龍茶，有熱有凍而且少甜，值得一試。