山洞食堂

營業中

休息中

南區人期待已久的Southside終於正式開幕了！餐廳種類比想像多，而唯一一間燒肉店就係喺2樓嘅呢一間山洞食堂，主打韓式燒烤，環境間隔相當好，以卡位為主，私隱度高。最上等牛肋骨 $388長達30cm嘅牛肋骨會有店員幫忙分割開方便去燒，油花肉質不在話下，當然係相當有質素而且夠肉味😎和牛肋眼上蓋 $220一客有5片雪花紋理好靚，肉呈粉紅色嘅和牛，燒至5成熟已經充分感受到油脂喺口腔中爆發🙂‍↕️慶州黑毛豬五花肉 $188有時食五花肉最怕係肥多過肉，而呢度嘅五花肉肥瘦均稱，會配埋生菜等你包住一齊食🤤1++韓牛牛肉石鍋飯以及海鮮豆腐湯都係最後暖胃解膩嘅主食類，調味一般唔會太重手。