影片
更多
2021-06-10
790 瀏覽
近年嚟由基滙成立嘅「民坊」不斷翻新舊式街市，例如以貨櫃為主題嘅長沙灣麗閣商場。今次去到翻新咗無耐嘅鴨脷洲西邨街市，成個街市用咗碼頭風格，原本空置咗好耐嘅上層變成一間以蟹為主題嘅「泰－潮－粵」式菜館，感覺類似高級大牌檔！值得一提嘅係佢嘅菜單可以話係世界級地豐富，而且海鮮嘅款式都好廣，的確係幾有驚喜。生蝦刺身（$108）估唔到除咗好多熟海鮮之餘呢度仲有泰式生蝦食！生蝦上碟夠凍同都幾新鮮，不過嫌佢粒辣椒辣咗少少，但個醬調得幾好，連埋粒生蒜片食味道都幾正宗。招牌白胡椒蟹（大蟹－$498）一路行上樓已經俾佢好多款唔同大肉蟹嘅poster吸引住！呢道菜特別在蟹係用鐵板上，上檯嘅時候店員先會淋上白胡椒醬，有種鋸扒感覺。味道方面胡椒味唔會好搶，少少辣而且好香口，蟹亦都啖啖肉，如果budget許可仲可以嗌特大蟹，應該有排食！要一讚嘅係店員會俾埋圍裙同手套方便剝蟹，真係幾貼心！蒜蓉粉絲蒸蟶子－4隻（$168）四隻大蟶子隻隻都好厚肉，蒜蓉同粉絲嘅量好足夠，可以帶出蟶子鮮味。唯一可以進步係蒸得熟咗少少，如果僅熟應該會仲好。酥炸生蠔（$188）呢碟酥炸生蠔唔講得笑，隻隻美國桶蠔手掌咁大（自己睇圖！），上碟仲有成
近年嚟由基滙成立嘅「民坊」不斷翻新舊式街市，例如以貨櫃為主題嘅長沙灣麗閣商場。今次去到翻新咗無耐嘅鴨脷洲西邨街市，成個街市用咗碼頭風格，原本空置咗好耐嘅上層變成一間以蟹為主題嘅「泰－潮－粵」式菜館，感覺類似高級大牌檔！值得一提嘅係佢嘅菜單可以話係世界級地豐富，而且海鮮嘅款式都好廣，的確係幾有驚喜。
生蝦刺身
$108
7 瀏覽
0 讚好
0 留言
生蝦刺身（$108）
估唔到除咗好多熟海鮮之餘呢度仲有泰式生蝦食！生蝦上碟夠凍同都幾新鮮，不過嫌佢粒辣椒辣咗少少，但個醬調得幾好，連埋粒生蒜片食味道都幾正宗。
招牌白胡椒蟹
$498
7 瀏覽
0 讚好
0 留言
招牌白胡椒蟹（大蟹－$498）
一路行上樓已經俾佢好多款唔同大肉蟹嘅poster吸引住！呢道菜特別在蟹係用鐵板上，上檯嘅時候店員先會淋上白胡椒醬，有種鋸扒感覺。味道方面胡椒味唔會好搶，少少辣而且好香口，蟹亦都啖啖肉，如果budget許可仲可以嗌特大蟹，應該有排食！要一讚嘅係店員會俾埋圍裙同手套方便剝蟹，真係幾貼心！
蒜蓉粉絲蒸蟶子
$168
33 瀏覽
0 讚好
0 留言
蒜蓉粉絲蒸蟶子
$168
24 瀏覽
0 讚好
0 留言
蒜蓉粉絲蒸蟶子－4隻（$168）
四隻大蟶子隻隻都好厚肉，蒜蓉同粉絲嘅量好足夠，可以帶出蟶子鮮味。唯一可以進步係蒸得熟咗少少，如果僅熟應該會仲好。
酥炸生蠔
$188
18 瀏覽
1 讚好
0 留言
酥炸生蠔
$188
5 瀏覽
0 讚好
0 留言
酥炸生蠔（$188）
呢碟酥炸生蠔唔講得笑，隻隻美國桶蠔手掌咁大（自己睇圖！），上碟仲有成7－8隻添，去流浮山食一隻手指尾咁大都要$30－40，完全無得輸。不過當然美國桶蠔鮮味就無細蠔咁濃，但抵食指數係爆晒燈嘅。
蝦膏啫啫唐生菜煲
$78
7 瀏覽
0 讚好
0 留言
蝦膏啫啫唐生菜煲（$78）
以為生菜煲無咩特別？其實都係佢哋招牌之一。啫啫唐生菜煲用砂窩上真係「jaja」聲，加上蝦膏、蝦乾、肉碎、辣椒、蒜頭，味道唔太鹹得嚟好惹味，直接餸飯都可以。
飯類除咗普通白飯之外，因為亦都有泰式緣故仲可以嗌油飯（好味好多不過真係好肥！）飲品就嗌咗一枝大嘅泰啤做飲品，其實見佢有好多唔同嘅泰式特飲都覺得好吸引，不過大牌檔風格都係有支啤酒感覺gur啲！
味道: 🌕🌕🌕🌕🌗
服務: 🌕🌕🌕🌕🌑
環境: 🌕🌕🌕🌕🌑
價錢: 🌕🌕🌕🌕🌑
－－－－－－－－－－－－
📍蟹點
鴨脷洲鴨脷洲橋道322號西邨街市1樓
－－－－－－－－－－－－
張貼
