影片
更多
2021-12-19
607 瀏覽
難得唔使早起，瞓到自然醒，有人提議去黃竹坑歎個早午餐。原來一早已經有目標，睇中左 One Island South 地下呢間「Bread and Bistro」。餐廳鄰近港鐵站，環境很舒服，集手工麵包店同 Café 於一身，客人既可以過嚟買各款特色麵包，也可以坐下來吃點西餐輕食。好鍾意入面嘅佈置，走舒適簡約風，加上落地大玻璃讓自然光透入，感覺開揚光猛。餐廳主打日式西餐，我哋點左兩個主菜，另外再加左客甜品。卡邦尼意粉 ($128) 意粉嘅火候掌握得啱啱好，麵質有彈性，煙韌而不過腍，醬汁帶濃郁嘅芝士香。Pancetta 肥瘦均勻，送上時已切成條狀，入口帶脆有鹹香，份量十足。至於另一客日式咖喱配流心芝士漢堡及溫泉蛋飯 ($118)，賣相亦很吸引。漢堡扒大大塊，非常厚身，中間釀入了芝士，用刀輕輕一切，芝士隨即緩緩流出，嚐一口，肉扒啖啖肉，鬆軟又多汁，入口「芝」香滿溢。咖喱汁味道亦唔錯，好香濃，夠杰身但又唔會過稠，戳破旁邊嘅溫泉蛋，入口滑嫩又有蛋香，用嚟撈飯食一流！甜品揀左客經典原味梳乎厘班戟 ($98) 班戟擺盤相當精緻，食落口感好鬆軟，軟綿Q彈，而且亦唔會過於濕潤，淋上糖漿，再配埋又香又
難得唔使早起，瞓到自然醒，有人提議去黃竹坑歎個早午餐。原來一早已經有目標，睇中左 One Island South 地下呢間「Bread and Bistro」。
餐廳鄰近港鐵站，環境很舒服，集手工麵包店同 Café 於一身，客人既可以過嚟買各款特色麵包，也可以坐下來吃點西餐輕食。
好鍾意入面嘅佈置，走舒適簡約風，加上落地大玻璃讓自然光透入，感覺開揚光猛。
餐廳主打日式西餐，我哋點左兩個主菜，另外再加左客甜品。
卡邦尼意粉 ($128) 意粉嘅火候掌握得啱啱好，麵質有彈性，煙韌而不過腍，醬汁帶濃郁嘅芝士香。Pancetta 肥瘦均勻，送上時已切成條狀，入口帶脆有鹹香，份量十足。
至於另一客日式咖喱配流心芝士漢堡及溫泉蛋飯 ($118)，賣相亦很吸引。漢堡扒大大塊，非常厚身，中間釀入了芝士，用刀輕輕一切，芝士隨即緩緩流出，嚐一口，肉扒啖啖肉，鬆軟又多汁，入口「芝」香滿溢。
咖喱汁味道亦唔錯，好香濃，夠杰身但又唔會過稠，戳破旁邊嘅溫泉蛋，入口滑嫩又有蛋香，用嚟撈飯食一流！
甜品揀左客經典原味梳乎厘班戟 ($98) 班戟擺盤相當精緻，食落口感好鬆軟，軟綿Q彈，而且亦唔會過於濕潤，淋上糖漿，再配埋又香又滑嘅忌廉一齊食，香甜美味又不會過膩，為這個星期天，完美作結！
張貼
